శ్రీగోకులేశాష్టకమ్ ౨ Lyrics in Telugu:
ప్రాణాధికప్రేష్ఠభవజ్జనానాం త్వద్విప్రయోగానలతాపితానామ్ ।
సమస్తసన్తాపనివర్తకం యద్రూపం నిజం దర్శయ గోకులేశ ॥ ౧॥
భవద్వియోగోరగదంశభాజాం ప్రత్యఙ్గముద్యద్విషమూర్చ్ఛితానామ్ ।
సఞ్జీవనం సమ్ప్రతి తావకానాం రూపం నిజం దర్శయ గోకులేశ ॥ ౨॥
ఆకస్మికత్వద్విరహాన్ధకారసఞ్ఛాదితాశేషనిదర్శనానామ్ ।
ప్రకాశకం త్వజ్జనలోచనానాం రూపం నిజం దర్శయ గోకులేశ ॥ ౩॥
స్వమన్దిరాస్తీర్ణవిచిత్రవర్ణం సుస్పర్శమృద్వాస్తరణే నిషణ్ణమ్ ।
పృథూపధానాశ్రితపృష్ఠభాగం రూపం నిజం దర్శయ గోకులేశ ॥ ౪॥
సన్దర్శనార్థాగతసర్వలోకవిలోచనాసేచనకం మనోజ్ఞమ్ ।
కృపావలోకహితతత్ప్రసాదం రూపం నిజం దర్శయ గోకులేశ ॥ ౫॥
యత్సర్వదా చర్వితనాగవల్లీరసప్రియం తద్రసరక్తదన్తమ్ ।
నిజేషు తచ్చర్వితశేషదం చ రూపం నిజం దర్శయ గోకులేశ ॥ ౬॥
ప్రతిక్షణం గోకులసున్దరీణామతృప్తిమల్లోచనపానపాత్రమ్ ।
సమస్తసౌన్దర్యరసౌఘపూర్ణం రూపం నిజం దర్శయ గోకులేశ ॥ ౭॥
క్వచిత్క్షణం వైణికదత్తకర్ణం కదాచిదుద్గానకృతావధానమ్ ।
సహాసవాచః క్వ చ భాషమాణం రూపం నిజం దర్శయ గోకులేశ ॥ ౮॥
శ్రీగోకులేశాష్టకమిష్టదాతృశ్రద్ధాన్వితో యః పఠితీతి నిత్యమ్ ।
పశ్యత్పవశ్యం స తదీయరూపం నిజైకవశ్యం కురుతే చ హృష్టః ॥ ౯॥
ఇతి శ్రీకృష్ణరాయవిరచితం శ్రీగోకులేశాష్టకం సమాప్తమ్ ।
