Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views : Ad Clicks : Ad Views :
Home / Hindu Mantras / Ashtaka / Shri Govardhanashtakam 2 Lyrics in Oriya | ଶ୍ରୀଗୋଵର୍ଧନାଷ୍ଟକମ୍ ୨

Shri Govardhanashtakam 2 Lyrics in Oriya | ଶ୍ରୀଗୋଵର୍ଧନାଷ୍ଟକମ୍ ୨

88 Views

ଶ୍ରୀଗୋଵର୍ଧନାଷ୍ଟକମ୍ ୨ Lyrics in Oriya:

ଦ୍ଵିତୀୟଂ ଗୋଵର୍ଧନାଷ୍ଟକଂ
ଶ୍ରୀଗୋଵର୍ଧନାୟ ନମଃ ।
ନୀଲସ୍ତମ୍ଭୋଜ୍ଜ୍ଵଲରୁଚିଭରୈର୍ମଣ୍ଡିତେ ବାହୁଦଣ୍ଡେ
ଛତ୍ରଚ୍ଛାୟାଂ ଦଧଦଘରିପୋର୍ଲବ୍ଧସପ୍ତାହଵାସଃ ।
ଧାରାପାତଗ୍ଲପିତମନସାଂ ରକ୍ଷିତା ଗୋକୁଲାନାଂ
କୃଷ୍ଣପ୍ରେୟାନ୍ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୧॥

ଭୀତୋ ୟସ୍ମାଦପରିଗଣୟନ୍ ବାନ୍ଧଵସ୍ନେହବନ୍ଧାନ୍
ସିନ୍ଧାଵଦ୍ରିସ୍ତ୍ଵରିତମଵିଶତ୍ ପାର୍ଵତୀପୂର୍ଵଜୋଽପି ।
ୟସ୍ତଂ ଜମ୍ଭୁଦ୍ଵିଷମକୁରୁତ ସ୍ତମ୍ଭସମ୍ଭେଦଶୂନ୍ୟଂ
ସ ପ୍ରୌଢାତ୍ମା ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୨॥

ଆଵିଷ୍କୃତ୍ୟ ପ୍ରକଟମୁକୁଟାଟୋପମଙ୍ଗଂ ସ୍ଥଵୀୟଃ
ଶୈଲୋଽସ୍ମୀତି ସ୍ଫୁଟମଭିଦଧତ୍ ତୁଷ୍ଟିଵିସ୍ଫାରଦୃଷ୍ଟିଃ ।
ୟସ୍ମୈ କୃଷ୍ଣଃ ସ୍ଵୟମରସୟଦ୍ ଵଲ୍ଲଵୈର୍ଦତ୍ତମନ୍ନଂ
ଧନ୍ୟଃ ସୋଽୟଂ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୩॥

ଅଦ୍ୟାପ୍ୟୂର୍ଜପ୍ରତିପଦି ମହାନ୍ ଭ୍ରାଜତେ ୟସ୍ୟ ୟଜ୍ଞଃ
କୃଷ୍ଣୋପଜ୍ଞଂ ଜଗତି ସୁରଭୀସୈରିଭୀକ୍ରୀଡୟାଢ୍ୟଃ ।
ଶଷ୍ପାଲମ୍ବୋତ୍ତମତଟୟା ୟଃ କୁଟୁମ୍ବଂ ପଶୂନାଂ
ସୋଽୟଂ ଭୂୟଃ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୪॥

ଶ୍ରୀଗାନ୍ଧର୍ଵାଦୟିତସରସୀପଦ୍ମସୌରଭ୍ୟରତ୍ନଂ
ହୃତ୍ଵା ଶଙ୍କୋତ୍କରପରଵଶୈରସ୍ଵନଂ ସଞ୍ଚରଦ୍ଭିଃ ।
ଅମ୍ଭଃକ୍ଷୋଦପ୍ରହରିକକୁଲେନାକୁଲେନାନୁୟାତୈ-
ର୍ଵାତୈର୍ଜୁଷ୍ଟୈଃ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୫॥

କଂସାରାତେସ୍ତରିଵିଲସିତୈରାତରାନଙ୍ଗରଙ୍ଗୈ-
ରାଭୀରୀଣାଂ ପ୍ରଣୟମଭିତଃ ପାତ୍ରମୁନ୍ମୀଲୟନ୍ତ୍ୟାଃ ।
ଧୌତଗ୍ରାଵାଵଲିରମଲିନୈର୍ମାନସାମର୍ତ୍ୟସିନ୍ଧୋ-
ର୍ଵୀଚିଵ୍ରାତୈଃ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୬॥

ୟସ୍ୟାଧ୍ୟକ୍ଷଃ ସକଲହଠିନାମାଦଦେ ଚକ୍ରଵର୍ତୀ
ଶୁଲ୍କଂ ନାନ୍ୟଦ୍ ଵ୍ରଜମୃଗଦୃଶାମର୍ପଣାଦ୍ ଵିଗ୍ରହସ୍ୟ ।
ଘଟ୍ଟସ୍ୟୋଚ୍ଚୈର୍ମଧୁକରରୁଚସ୍ତସ୍ୟ ଧାମପ୍ରପଞ୍ଚୈଃ
ଶ୍ୟାମପ୍ରସ୍ଥଃ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୭॥

ଗାନ୍ଧର୍ଵାୟାଃ ସୁରତକଲହୋଦ୍ଦାମତାଵାଵଦୂକୈଃ
କ୍ଲାନ୍ତଶ୍ରୋତ୍ରୋତ୍ପଲଵଲୟିଭିଃ କ୍ଷିପ୍ତପିଞ୍ଛାଵତଂସୈଃ ।
କୁଞ୍ଜୈସ୍ତଲ୍ପୋପରି ପରିଲୁଠଦ୍ଵୈଜୟନ୍ତୀପରୀତୈଃ
ପୁଣ୍ୟାଙ୍ଗଶ୍ରୀଃ ପ୍ରଥୟତୁ ସଦା ଶର୍ମ ଗୋଵର୍ଧନୋ ନଃ ॥ ୮॥

ୟସ୍ତୁଷ୍ଟାତ୍ମା ସ୍ଫୁଟମନୁପଠେଚ୍ଛ୍ରଦ୍ଧୟା ଶୁଦ୍ଧୟାନ୍ତ-
ର୍ମେଧ୍ୟଃ ପଦ୍ୟାଷ୍ଟକମଚଟୁଲଃ ସୁଷ୍ଠୁ ଗୋଵର୍ଧନସ୍ୟ ।
ସାନ୍ଦ୍ରଂ ଗୋଵର୍ଧନଧରପଦଦ୍ଵନ୍ଦ୍ଵଶୋଣାରଵିନ୍ଦେ
ଵିନ୍ଦନ୍ ପ୍ରେମୋତ୍କରମିହ କରୋତ୍ୟଦ୍ରିରାଜେ ସ ଵାସମ୍ ॥ ୯॥

ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀଗିରୀନ୍ଦ୍ରଵାସାନନ୍ଦଦଂ
ନାମ ଦ୍ଵିତୀୟଂ ଶ୍ରୀଗୋଵର୍ଧନାଷ୍ଟକଂ ସମ୍ପୂର୍ଣମ୍ ।

  • Facebook
  • Twitter
  • Google+
  • Pinterest
 
Note: We will give astrological reading / solution for those who are longing for children and do not give predictions for Job, etc.

Leave a Comment

Your email address will not be published. Required fields are marked *