Templesinindiainfo

Best Spiritual Website

Shri Govardhanashtakam 2 Lyrics in Telugu | శ్రీగోవర్ధనాష్టకమ్ ౨

శ్రీగోవర్ధనాష్టకమ్ ౨ Lyrics in Telugu:

ద్వితీయం గోవర్ధనాష్టకం
శ్రీగోవర్ధనాయ నమః ।
నీలస్తమ్భోజ్జ్వలరుచిభరైర్మణ్డితే బాహుదణ్డే
ఛత్రచ్ఛాయాం దధదఘరిపోర్లబ్ధసప్తాహవాసః ।
ధారాపాతగ్లపితమనసాం రక్షితా గోకులానాం
కృష్ణప్రేయాన్ ప్రథయతు సదా శర్మ గోవర్ధనో నః ॥ ౧॥

భీతో యస్మాదపరిగణయన్ బాన్ధవస్నేహబన్ధాన్
సిన్ధావద్రిస్త్వరితమవిశత్ పార్వతీపూర్వజోఽపి ।
యస్తం జమ్భుద్విషమకురుత స్తమ్భసమ్భేదశూన్యం
స ప్రౌఢాత్మా ప్రథయతు సదా శర్మ గోవర్ధనో నః ॥ ౨॥

ఆవిష్కృత్య ప్రకటముకుటాటోపమఙ్గం స్థవీయః
శైలోఽస్మీతి స్ఫుటమభిదధత్ తుష్టివిస్ఫారదృష్టిః ।
యస్మై కృష్ణః స్వయమరసయద్ వల్లవైర్దత్తమన్నం
ధన్యః సోఽయం ప్రథయతు సదా శర్మ గోవర్ధనో నః ॥ ౩॥

అద్యాప్యూర్జప్రతిపది మహాన్ భ్రాజతే యస్య యజ్ఞః
కృష్ణోపజ్ఞం జగతి సురభీసైరిభీక్రీడయాఢ్యః ।
శష్పాలమ్బోత్తమతటయా యః కుటుమ్బం పశూనాం
సోఽయం భూయః ప్రథయతు సదా శర్మ గోవర్ధనో నః ॥ ౪॥

శ్రీగాన్ధర్వాదయితసరసీపద్మసౌరభ్యరత్నం
హృత్వా శఙ్కోత్కరపరవశైరస్వనం సఞ్చరద్భిః ।
అమ్భఃక్షోదప్రహరికకులేనాకులేనానుయాతై-
ర్వాతైర్జుష్టైః ప్రథయతు సదా శర్మ గోవర్ధనో నః ॥ ౫॥

కంసారాతేస్తరివిలసితైరాతరానఙ్గరఙ్గై-
రాభీరీణాం ప్రణయమభితః పాత్రమున్మీలయన్త్యాః ।
ధౌతగ్రావావలిరమలినైర్మానసామర్త్యసిన్ధో-
ర్వీచివ్రాతైః ప్రథయతు సదా శర్మ గోవర్ధనో నః ॥ ౬॥

యస్యాధ్యక్షః సకలహఠినామాదదే చక్రవర్తీ
శుల్కం నాన్యద్ వ్రజమృగదృశామర్పణాద్ విగ్రహస్య ।
ఘట్టస్యోచ్చైర్మధుకరరుచస్తస్య ధామప్రపఞ్చైః
శ్యామప్రస్థః ప్రథయతు సదా శర్మ గోవర్ధనో నః ॥ ౭॥

గాన్ధర్వాయాః సురతకలహోద్దామతావావదూకైః
క్లాన్తశ్రోత్రోత్పలవలయిభిః క్షిప్తపిఞ్ఛావతంసైః ।
కుఞ్జైస్తల్పోపరి పరిలుఠద్వైజయన్తీపరీతైః
పుణ్యాఙ్గశ్రీః ప్రథయతు సదా శర్మ గోవర్ధనో నః ॥ ౮॥

యస్తుష్టాత్మా స్ఫుటమనుపఠేచ్ఛ్రద్ధయా శుద్ధయాన్త-
ర్మేధ్యః పద్యాష్టకమచటులః సుష్ఠు గోవర్ధనస్య ।
సాన్ద్రం గోవర్ధనధరపదద్వన్ద్వశోణారవిన్దే
విన్దన్ ప్రేమోత్కరమిహ కరోత్యద్రిరాజే స వాసమ్ ॥ ౯॥

ఇతి శ్రీరూపగోస్వామివిరచితస్తవమాలాయాం శ్రీగిరీన్ద్రవాసానన్దదం
నామ ద్వితీయం శ్రీగోవర్ధనాష్టకం సమ్పూర్ణమ్ ।

Shri Govardhanashtakam 2 Lyrics in Telugu | శ్రీగోవర్ధనాష్టకమ్ ౨

Leave a Reply

Your email address will not be published. Required fields are marked *

Scroll to top