શ્રીગુરુચરણસ્મરણાષ્ટકમ્ Lyrics in :
પ્રાતઃ શ્રીતુલસીનતિઃ સ્વકરતસ્તત્પિણ્ડિકાલેપનં
તત્સામ્મુખ્યમથ સ્થિતિં સ્મૃતિરથ સ્વસ્વામિનોઃ પાદયોઃ ।
તત્સેવાર્થબહુપ્રસૂનચયનં નિત્યં સ્વયં યસ્ય તં
શ્રીરાધારમણં મુદા ગુરુવરં વન્દે નિપત્યાવનૌ ॥ ૧॥
મધ્યાહ્ને તુ નિજેશપાદકમલધ્યાનાર્ચનાન્નાર્પણ
પ્રાદક્ષિણાનતિસ્તુતિપ્રણયિતા નૃત્યં સતાં સઙ્ગતિઃ ।
શ્રીમદ્ભાગવતાર્થસીધુમધુરાસ્વાદઃ સદા યસ્ય તં
શ્રીરાધારમણં મુદા ગુરુવરં વન્દે નિપત્યાવનૌ ॥ ૨॥
પ્રક્ષાલ્યાઙ્ઘ્રિયુગં નતિસ્તુતિજયં કર્તું મનોઽત્યુત્સુકં
સાયં ગોષ્ઠમુપાગતં વનભુવો દ્રષ્ટું નિજસ્વામિનમ્ ।
પ્રેમાનન્દભરેણ નેત્રપુટયોર્ધારા ચિરાદ્યસ્ય તં
શ્રીરાધારમણં મુદા ગુરુવરં વન્દે નિપત્યાવનૌ ॥ ૩॥
રાત્રૌ શ્રીજયદેવપદ્યપઠનં તદ્ગીતગાનં રસા
સ્વાદો ભક્તજનૈઃ કદાચિદભિતઃ સઙ્કીર્તને નર્તનમ્ ।
રાધાકૃષ્ણવિલાસકેલ્યનુભવાદુન્નિદ્રતા યસ્ય તં
શ્રીરાધારમણં મુદા ગુરુવરં વન્દે નિપત્યાવનૌ ॥ ૪॥
નિન્દેત્યક્ષરયોર્દ્વયં પરિચયં પ્રાપ્તં ન યત્કર્ણયોઃ
સાધૂનાં સ્તુતિમેવ યઃ સ્વરસનામાસ્વાદયત્યન્વહમ્ ।
વિશ્વાસ્યં જગદેવ યસ્ય ન પુનઃ કુત્રાપિ દોષગ્રહઃ
શ્રીરાધારમણં મુદા ગુરુવરં વન્દે નિપત્યાવનૌ ॥ ૫॥
યઃ કોઽપ્યસ્તુ પદાબ્જયોર્નિપતિતો યઃ સ્વીકરોત્યેવ તં
શીઘ્રં સ્વીયકૃપાબલેન કુરુતે ભક્તૌ તુ મત્વાસ્પદમ્ ।
નિત્યં ભક્તિરહસ્યશિક્ષણવિધિર્યસ્ય સ્વભૃત્યેષુ તં
શ્રીરાધારમણં મુદા ગુરુવરં વન્દે નિપત્યાવનૌ ॥ ૬॥
સર્વાઙ્ગૈર્નતભૃત્યમૂર્ધ્નિ કૃપયા સ્વપાદાર્પણં
સ્મિત્વા ચારુ કૃપાવલોકસુધયા તન્માનસોદાસનમ્ ।
તત્પ્રેમોદયહેતવે સ્વપદયોઃ સેવોપદેશઃ સ્વયં
શ્રીરાધારમણં મુદા ગુરુવરં વન્દે નિપત્યાવનૌ ॥ ૭॥
રાધે ! કૃષ્ણ ! ઇતિ પ્લુતસ્વરયુતં નામામૃતં નાથયો-
ર્જિહ્વાગ્રે નટયન્ નિરન્તરમહો નો વેત્તિ વસ્તુ ક્વચિત્ ।
યત્કિઞ્ચિદ્વ્યવહારસાધકમપિ પ્રેમ્નૈવ મગ્નોઽસ્તિ યઃ
શ્રીરાધારમણં મુદા ગુરુવરં વન્દે નિપત્યાવનૌ ॥ ૮॥
ત્વત્પાદામ્બુજસીધુસૂચકતયા પદ્યાષ્ટકં સર્વથા
યાતં યત્પરમાણુતાં પ્રભુવર પ્રોદ્યત્કૃપાવારિધે ।
મચ્ચેતોભ્રમરોઽવલમ્બા તદિદં પ્રાપ્યાવિલમ્બં ભવત્
સઙ્ગં મઞ્જુનિકુઞ્જધામ્નિ જુષતાં તત્સ્વામિનોઃ સૌરભમ્ ॥ ૯॥
ઇતિ શ્રીમદ્વિશ્વનાથચક્રવર્તિવિરચિતં
શ્રીગુરુચરણસ્મરણાષ્ટકં સમ્પૂર્ણમ્ ।
