శ్రీగురుచరణస్మరణాష్టకమ్ Lyrics in Telugu:
ప్రాతః శ్రీతులసీనతిః స్వకరతస్తత్పిణ్డికాలేపనం
తత్సామ్ముఖ్యమథ స్థితిం స్మృతిరథ స్వస్వామినోః పాదయోః ।
తత్సేవార్థబహుప్రసూనచయనం నిత్యం స్వయం యస్య తం
శ్రీరాధారమణం ముదా గురువరం వన్దే నిపత్యావనౌ ॥ ౧॥
మధ్యాహ్నే తు నిజేశపాదకమలధ్యానార్చనాన్నార్పణ
ప్రాదక్షిణానతిస్తుతిప్రణయితా నృత్యం సతాం సఙ్గతిః ।
శ్రీమద్భాగవతార్థసీధుమధురాస్వాదః సదా యస్య తం
శ్రీరాధారమణం ముదా గురువరం వన్దే నిపత్యావనౌ ॥ ౨॥
ప్రక్షాల్యాఙ్ఘ్రియుగం నతిస్తుతిజయం కర్తుం మనోఽత్యుత్సుకం
సాయం గోష్ఠముపాగతం వనభువో ద్రష్టుం నిజస్వామినమ్ ।
ప్రేమానన్దభరేణ నేత్రపుటయోర్ధారా చిరాద్యస్య తం
శ్రీరాధారమణం ముదా గురువరం వన్దే నిపత్యావనౌ ॥ ౩॥
రాత్రౌ శ్రీజయదేవపద్యపఠనం తద్గీతగానం రసా
స్వాదో భక్తజనైః కదాచిదభితః సఙ్కీర్తనే నర్తనమ్ ।
రాధాకృష్ణవిలాసకేల్యనుభవాదున్నిద్రతా యస్య తం
శ్రీరాధారమణం ముదా గురువరం వన్దే నిపత్యావనౌ ॥ ౪॥
నిన్దేత్యక్షరయోర్ద్వయం పరిచయం ప్రాప్తం న యత్కర్ణయోః
సాధూనాం స్తుతిమేవ యః స్వరసనామాస్వాదయత్యన్వహమ్ ।
విశ్వాస్యం జగదేవ యస్య న పునః కుత్రాపి దోషగ్రహః
శ్రీరాధారమణం ముదా గురువరం వన్దే నిపత్యావనౌ ॥ ౫॥
యః కోఽప్యస్తు పదాబ్జయోర్నిపతితో యః స్వీకరోత్యేవ తం
శీఘ్రం స్వీయకృపాబలేన కురుతే భక్తౌ తు మత్వాస్పదమ్ ।
నిత్యం భక్తిరహస్యశిక్షణవిధిర్యస్య స్వభృత్యేషు తం
శ్రీరాధారమణం ముదా గురువరం వన్దే నిపత్యావనౌ ॥ ౬॥
సర్వాఙ్గైర్నతభృత్యమూర్ధ్ని కృపయా స్వపాదార్పణం
స్మిత్వా చారు కృపావలోకసుధయా తన్మానసోదాసనమ్ ।
తత్ప్రేమోదయహేతవే స్వపదయోః సేవోపదేశః స్వయం
శ్రీరాధారమణం ముదా గురువరం వన్దే నిపత్యావనౌ ॥ ౭॥
రాధే ! కృష్ణ ! ఇతి ప్లుతస్వరయుతం నామామృతం నాథయో-
ర్జిహ్వాగ్రే నటయన్ నిరన్తరమహో నో వేత్తి వస్తు క్వచిత్ ।
యత్కిఞ్చిద్వ్యవహారసాధకమపి ప్రేమ్నైవ మగ్నోఽస్తి యః
శ్రీరాధారమణం ముదా గురువరం వన్దే నిపత్యావనౌ ॥ ౮॥
త్వత్పాదామ్బుజసీధుసూచకతయా పద్యాష్టకం సర్వథా
యాతం యత్పరమాణుతాం ప్రభువర ప్రోద్యత్కృపావారిధే ।
మచ్చేతోభ్రమరోఽవలమ్బా తదిదం ప్రాప్యావిలమ్బం భవత్
సఙ్గం మఞ్జునికుఞ్జధామ్ని జుషతాం తత్స్వామినోః సౌరభమ్ ॥ ౯॥
ఇతి శ్రీమద్విశ్వనాథచక్రవర్తివిరచితం
శ్రీగురుచరణస్మరణాష్టకం సమ్పూర్ణమ్ ।
