Templesinindiainfo

Best Spiritual Website

Shri Gurudevashtakam Lyrics in Telugu | శ్రీగురుదేవాష్టకమ్

శ్రీగురుదేవాష్టకమ్ Lyrics in Telugu:

సంసారదావానలలీఢలోక
త్రాణాయ కారుణ్యఘనాఘనత్వమ్ ।
ప్రాప్తస్య కల్యాణగుణార్ణవస్య
వన్దే గురోః శ్రీచరణారవిన్దమ్ ॥ ౧॥

మహాప్రభోః కీర్తననృత్యగీత
వాదిత్రమద్యన్మనసో రసేన ।
రోమాఞ్చకమ్పాశ్రుతరఙ్గభాజో
వన్దే గురోః శ్రీచరణారవిన్దమ్ ॥ ౨॥

శ్రీవిగ్రహారాధననిత్యనానా
శృఙ్గారతన్మన్దిరమార్జనాదౌ ।
యుక్తస్య భక్తాంశ్చ నియుఞ్జతోఽపి
వన్దే గురోః శ్రీచరణారవిన్దమ్ ॥ ౩॥

చతుర్విధశ్రీభగవత్ప్రసాద
స్వాద్వన్నతృప్తాన్ హరిభక్తసఙ్ఘాన్ ।
కృత్వైవ తృప్తిం భజతః సదైవ
వన్దే గురోః శ్రీచరణారవిన్దమ్ ॥ ౪॥

శ్రీరాధికామాధవయోరపార
మాధుర్యలీలాగుణరూపనామ్నామ్ ।
ప్రతిక్షణాస్వాదనలోలుపస్య
వన్దే గురోః శ్రీచరణారవిన్దమ్ ॥ ౫॥

నికుఞ్జయూనో రతికేలిసిద్ధ్యై
యా యాలిభిర్యుక్తిరపేక్షణీయా ।
తత్రాతిదాక్ష్యాదతివల్లభస్య
వన్దే గురోః శ్రీచరణారవిన్దమ్ ॥ ౬॥

సాక్షాద్ధరిత్వేన సమస్తశాస్త్రై-
రుక్తస్తథా భావ్యత ఏవ సద్భిః ।
కిన్తో ప్రభోర్యః ప్రియ ఏవ తస్య
వన్దే గురోః శ్రీచరణారవిన్దమ్ ॥ ౭॥

యస్య ప్రసాదాద్భగవత్ప్రసాదో
యస్యాప్రసాదాన్ న గతిః కుతోఽపి ।
ధ్యాయన్ స్తువంస్తస్య యశస్త్రిసన్ధ్యం
వన్దే గురోః శ్రీచరణారవిన్దమ్ ॥ ౮॥

శ్రీమద్గురోరష్టకమేతదుచ్చై-
ర్బ్రాహ్మే ముహూర్తే పఠతి ప్రయత్నాత్ ।
యస్తేన వృన్దావననాథ సాక్షాత్
సేవైవ లభ్యా జుషణోఽన్త ఏవ ॥ ౯॥

Shri Gurudevashtakam Lyrics in Telugu | శ్రీగురుదేవాష్టకమ్

Leave a Reply

Your email address will not be published. Required fields are marked *

Scroll to top