Click here to Read Sri Hanumad Ashtakam Meaning in English:
Sri Hanumadashtakam in Bengali:
॥ শ্রীহনুমদষ্টকং ॥
হনুমদষ্টকং অচ্যুতয়তিকৃতং
শ্রীরঘুরাজপদাব্জনিকেতন পঙ্কজলোচন মঙ্গলরাশে
চণ্ডমহাভুজদণ্ডসুরারিবিখণ্ডনপণ্ডিত পাহি দয়ালো ।
পাতকিনং চ সমুদ্ধর মাং মহতাং হি সতামপি মানমুদারং
ত্বাং ভজতো মম দেহি দয়াঘন হে হনুমন্ স্বপদাম্বুজদাস্যম্ ॥ ১ ॥
সংসৃতিতাপমহানলদগ্ধতনূরুহমর্মতনোরতিবেলং
পুত্রধনস্বজনাত্মগৃহাদিষু সক্তমতেরতিকিল্বিষমূর্তেঃ ।
কেনচিদপ্যমলেন পুরাকৃতপুণ্যসুপুঞ্জলবেন বিভো বৈ
ত্বাং ভজতো মম দেহি দয়াঘন হে হনুমন্ স্বপদাম্বুজদাস্যম্ ॥ ২ ॥
সংসৃতিকূপমনল্পমঘোরনিদাঘনিদানমজস্রমশেষং
প্রাপ্য সুদুঃখসহস্রভুজঙ্গবিষৈকসমাকুলসর্বতনোর্মে ।
ঘোরমহাকৃপণাপদমেব গতস্য হরে পতিতস্য ভবাব্ধৌ
ত্বাং ভজতো মম দেহি দয়াঘন হে হনুমন্ স্বপদাম্বুজদাস্যম্ ॥ ৩ ॥
সংসৃতিসিন্ধুবিশালকরালমহাবলকালঝষগ্রসনার্তং
ব্যগ্রসমগ্রধিয়ং কৃপণং চ মহামদনক্রসুচক্রহৃতাসুম্ ।
কালমহারসনোর্মিনিপীডিতমুদ্ধর দীনমনন্যগতিং মাং
ত্বাং ভজতো মম দেহি দয়াঘন হে হনুমন্স্বপদাম্বুজদাস্যম্ ॥ ৪ ॥
সংসৃতিঘোরমহাগহনে চরতো মণিরঞ্জিতপুণ্যসুমূর্তেঃ
মন্মথভীকরঘোরমহোগ্রমৃগপ্রবরার্দিতগাত্রসুসন্ধেঃ ।
মত্সরতাপবিশেষনিপীডিতবাহ্যমতেশ্চ কথঞ্চিদমেয়ং
ত্বাং ভজতো মম দেহি দয়াঘন হে হনুমন্স্বপদাম্বুজদাস্যম্ ॥ ৫ ॥
সংসৃতিবৃক্ষমনেকশতাঘনিদানমনন্তবিকর্মসুশাখং
দুঃখফলং করণাদিপলাশমনঙ্গসুপুষ্পমচিন্ত্যসুমূলম্ ।
তং হ্যধিরুহ্য হরে পতিতং শরণাগতমেব বিমোচয় মূঢং
ত্বাং ভজতো মম দেহি দয়াঘন হে হনুমন্স্বপদাম্বুজদাস্যম্ ॥ ৬ ॥
সংসৃতিপন্নগবক্ত্রভয়ঙ্করদংষ্ট্রমহাবিষদগ্ধশরীরং
প্রাণবিনির্গমভীতিসমাকুলমন্দমনাথমতীব বিষণ্ণম্ ।
মোহমহাকুহরে পতিতং দয়য়োদ্ধর মামজিতেন্দ্রিয়কামং
ত্বাং ভজতো মম দেহি দয়াঘন হে হনুমন্ স্বপদাম্বুজদাস্যম্ ॥ ৭ ॥
ইন্দ্রিয়নামকচৌরগণৈর্হৃততত্ত্ববিবেকমহাধনরাশিং
সংসৃতিজালনিপাতিতমেব মহাবলিভিশ্চ বিখণ্ডিতকায়ম্ ।
ত্বত্পদপদ্মমনুত্তমমাশ্রিতমাশু কপীশ্বর পাহি কৃপালো
ত্বাং ভজতো মম দেহি দয়াঘন হে হনুমন্স্বপদাম্বুজদাস্যম্ ॥ ৮ ॥
ব্রহ্মমরুদ্গণরুদ্রমহেন্দ্রকিরীটসুকোটিলসত্পদপীঠং
দাশরথিং জপতি ক্ষিতিমণ্ডল এষ নিধায় সদৈব হৃদব্জে ।
তস্য হনূমত এব শিবঙ্করমষ্টকমেতদনিষ্টহরং বৈ
য়ঃ সততং হি পঠেত্স নরো লভতেঽচ্যুতরামপদাব্জনিবাসম্ ॥ ৯ ॥
ইতি অচ্যুতয়তিকৃতং হনুমদষ্টকং সম্পূর্ণম্ ।
Also Read:
Sri Hanumad Ashtakam Lyrics Hindi | English | Telugu | Tamil | Kannada | Malayalam | Bengali | Oriya | Gujarati | Punjabi