Click here to Read Sri Hanumad Ashtakam Meaning in English:
Sri Hanumadashtakam Malayalam:
॥ ശ്രീഹനുമദഷ്ടകം ॥
ഹനുമദഷ്ടകം അച്യുതയതികൃതം
ശ്രീരഘുരാജപദാബ്ജനികേതന പങ്കജലോചന മങ്ഗലരാശേ
ചണ്ഡമഹാഭുജദണ്ഡസുരാരിവിഖണ്ഡനപണ്ഡിത പാഹി ദയാലോ ।
പാതകിനം ച സമുദ്ധര മാം മഹതാം ഹി സതാമപി മാനമുദാരം
ത്വാം ഭജതോ മമ ദേഹി ദയാഘന ഹേ ഹനുമന്‍ സ്വപദാംബുജദാസ്യം ॥ 1 ॥
സംസൃതിതാപമഹാനലദഗ്ധതനൂരുഹമര്‍മതനോരതിവേലം
പുത്രധനസ്വജനാത്മഗൃഹാദിഷു സക്തമതേരതികില്‍ബിഷമൂര്‍തേഃ ।
കേനചിദപ്യമലേന പുരാകൃതപുണ്യസുപുഞ്ജലവേന വിഭോ വൈ
ത്വാം ഭജതോ മമ ദേഹി ദയാഘന ഹേ ഹനുമന്‍ സ്വപദാംബുജദാസ്യം ॥ 2 ॥
സംസൃതികൂപമനല്‍പമഘോരനിദാഘനിദാനമജസ്രമശേഷം
പ്രാപ്യ സുദുഃഖസഹസ്രഭുജങ്ഗവിഷൈകസമാകുലസര്‍വതനോര്‍മേ ।
ഘോരമഹാകൃപണാപദമേവ ഗതസ്യ ഹരേ പതിതസ്യ ഭവാബ്ധൌ
ത്വാം ഭജതോ മമ ദേഹി ദയാഘന ഹേ ഹനുമന്‍ സ്വപദാംബുജദാസ്യം ॥ 3 ॥
സംസൃതിസിന്ധുവിശാലകരാലമഹാബലകാലഝഷഗ്രസനാര്‍തം
വ്യഗ്രസമഗ്രധിയം കൃപണം ച മഹാമദനക്രസുചക്രഹൃതാസും ।
കാലമഹാരസനോര്‍മിനിപീഡിതമുദ്ധര ദീനമനന്യഗതിം മാം
ത്വാം ഭജതോ മമ ദേഹി ദയാഘന ഹേ ഹനുമന്‍സ്വപദാംബുജദാസ്യം ॥ 4 ॥
സംസൃതിഘോരമഹാഗഹനേ ചരതോ മണിരഞ്ജിതപുണ്യസുമൂര്‍തേഃ
മന്‍മഥഭീകരഘോരമഹോഗ്രമൃഗപ്രവരാര്‍ദിതഗാത്രസുസന്ധേഃ ।
മത്സരതാപവിശേഷനിപീഡിതബാഹ്യമതേശ്ച കഥഞ്ചിദമേയം
ത്വാം ഭജതോ മമ ദേഹി ദയാഘന ഹേ ഹനുമന്‍സ്വപദാംബുജദാസ്യം ॥ 5 ॥
സംസൃതിവൃക്ഷമനേകശതാഘനിദാനമനന്തവികര്‍മസുശാഖം
ദുഃഖഫലം കരണാദിപലാശമനങ്ഗസുപുഷ്പമചിന്ത്യസുമൂലം ।
തം ഹ്യധിരുഹ്യ ഹരേ പതിതം ശരണാഗതമേവ വിമോചയ മൂഢം
ത്വാം ഭജതോ മമ ദേഹി ദയാഘന ഹേ ഹനുമന്‍സ്വപദാംബുജദാസ്യം ॥ 6 ॥
സംസൃതിപന്നഗവക്ത്രഭയങ്കരദംഷ്ട്രമഹാവിഷദഗ്ധശരീരം
പ്രാണവിനിര്‍ഗമഭീതിസമാകുലമന്ദമനാഥമതീവ വിഷണ്ണം ।
മോഹമഹാകുഹരേ പതിതം ദയയോദ്ധര മാമജിതേന്ദ്രിയകാമം
ത്വാം ഭജതോ മമ ദേഹി ദയാഘന ഹേ ഹനുമന്‍ സ്വപദാംബുജദാസ്യം ॥ 7 ॥
ഇന്ദ്രിയനാമകചൌരഗണൈര്‍ഹൃതതത്ത്വവിവേകമഹാധനരാശിം
സംസൃതിജാലനിപാതിതമേവ മഹാബലിഭിശ്ച വിഖണ്ഡിതകായം ।
ത്വത്പദപദ്മമനുത്തമമാശ്രിതമാശു കപീശ്വര പാഹി കൃപാലോ
ത്വാം ഭജതോ മമ ദേഹി ദയാഘന ഹേ ഹനുമന്‍സ്വപദാംബുജദാസ്യം ॥ 8 ॥
ബ്രഹ്മമരുദ്ഗണരുദ്രമഹേന്ദ്രകിരീടസുകോടിലസത്പദപീഠം
ദാശരഥിം ജപതി ക്ഷിതിമണ്ഡല ഏഷ നിധായ സദൈവ ഹൃദബ്ജേ ।
തസ്യ ഹനൂമത ഏവ ശിവങ്കരമഷ്ടകമേതദനിഷ്ടഹരം വൈ
യഃ സതതം ഹി പഠേത്സ നരോ ലഭതേഽച്യുതരാമപദാബ്ജനിവാസം ॥ 9 ॥
ഇതി അച്യുതയതികൃതം ഹനുമദഷ്ടകം സമ്പൂര്‍ണം ।
Also Read:
Sri Hanumad Ashtakam Lyrics Hindi | English | Telugu | Tamil | Kannada | Malayalam | Bengali | Oriya | Gujarati | Punjabi