Hanuman Mangalashtakam / Prasannanjaneya Mangalashtakam Lyrics in Gujarati:
હનુમત્મઙ્ગલાષ્ટકમ્ પ્રસન્નાઞ્જનેય મઙ્ગલાષ્ટકમ્ ચ
ૐ ગં ગણપતયે નમઃ ।
ૐ શ્રીવાગીશ્વર્યૈ નમઃ ।
ૐ શ્રીશોમેશ્વરાભ્યાં નમઃ ।
ૐ શ્રી સીતારામાભ્યાં નમઃ ।
ઓં શ્રી પ્રસન્નાઞ્જનેયાય નમઃ ॥
શ્રીમદ્ધર્મપુરી પ્રસન્નાઞ્જનેય મઙ્ગલાશાસનમ્ ॥
ભાસ્વદ્વાનરરૂપાય વાયુપુત્રાય ધીમતે ।
અઞ્જનીગર્ભજાતાય આઞ્જનેયાય મઙ્ગલમ્ ॥ ૧ ॥
સૂર્યશિષ્યાય શૂરાય સૂર્યકોટિપ્રકાશિને ।
સુરેન્દ્રાદિભિર્વન્દ્યાય આઞ્જનેયાય મઙ્ગલમ્ ॥ ૨ ॥
રામસુગ્રીવસન્ધાત્રે રામાયાર્પિતચેતસે ।
રામનામૈક નિષ્ઠાય રામમિત્રાય મઙ્ગલમ્ ॥ ૩ ॥
મનોજવેન ગન્ત્રે ચ સમુદ્રોલ્લઙ્ઘનાય ચ ।
મૈનાકાર્ચિતપાદાય રામદૂતાય મઙ્ગલમ્ ॥ ૪ ॥
નિર્જિત સુરસાયાસ્મૈ સંહૃતસિંહિકાસવે ।
લઙ્કિણીગર્વભઙ્ગાય રામદૂતાય મઙ્ગલમ્ ॥ ૫ ॥
હૃતલઙ્કેશગર્વાય લઙ્કાદહનકારિણે ।
સીતાશોકવિનાશાય રામદૂતાય મઙ્ગલમ્ ॥ ૬ ॥
ભીભત્સરણરઙ્ગાય દુષ્ટદૈત્ય વિનાશિને ।
રામલક્ષ્મણવાહાય રામભૃત્યાય મઙ્ગલમ્ ॥ ૭ ॥
ધૃતસઞ્જીવહસ્તાય કૃતલક્ષ્મણજીવિને ।
ભૃતલઙ્કાસુરાર્તાય રામભટાય મઙ્ગલમ્ ॥ ૮ ॥
જાનકીરામસન્ધાત્રે જાનકીહ્લાદકારિણે ।
હૃત્પ્રતિષ્ઠિતરામાય રામદાસાય મઙ્ગલમ્ ॥ ૯ ॥
રમ્યે ધર્મપુરીક્ષેત્રે નૃસિંહસ્ય ચ મન્દિરે ।
વિલસદ્ રામનિષ્ઠાય વાયુપુત્રાય મઙ્ગલમ્ ॥ ૧૦ ॥
ગાયન્તં રામ રામેતિ ભક્તં તં રક્ષકાય ચ ।
શ્રી પ્રસન્નાઞ્જનેયાય વરદાત્રે ચ મઙ્ગલમ્ ॥ ૧૧ ॥
વિશ્વલોકસુરક્ષાય વિશ્વનાથનુતાય ચ ।
શ્રીપ્રસન્નાઞ્જનેયાય વરદાત્રે ચ મઙ્ગલમ્ ॥ ૧૨ ॥
ઇતિ શ્રીકોરિડે વિશ્વનાથશર્મણાવિરચિતં શ્રીમદ્ધર્મપુરી
પ્રસન્નાઞ્જનેય મઙ્ગલાષ્ટકં સમ્પૂર્ણમ્ ॥
