Hanuman Mangalashtakam / Prasannanjaneya Mangalashtakam Lyrics in Kannada:
ಹನುಮತ್ಮಂಗಲಾಷ್ಟಕಮ್ ಪ್ರಸನ್ನಾಂಜನೇಯ ಮಂಗಲಾಷ್ಟಕಮ್ ಚ
ಓಂ ಗಂ ಗಣಪತಯೇ ನಮಃ ।
ಓಂ ಶ್ರೀವಾಗೀಶ್ವರ್ಯೈ ನಮಃ ।
ಓಂ ಶ್ರೀಶೋಮೇಶ್ವರಾಭ್ಯಾಂ ನಮಃ ।
ಓಂ ಶ್ರೀ ಸೀತಾರಾಮಾಭ್ಯಾಂ ನಮಃ ।
ಓಂ ಶ್ರೀ ಪ್ರಸನ್ನಾಂಜನೇಯಾಯ ನಮಃ ॥
ಶ್ರೀಮದ್ಧರ್ಮಪುರೀ ಪ್ರಸನ್ನಾಂಜನೇಯ ಮಂಗಲಾಶಾಸನಮ್ ॥
ಭಾಸ್ವದ್ವಾನರರೂಪಾಯ ವಾಯುಪುತ್ರಾಯ ಧೀಮತೇ ।
ಅಂಜನೀಗರ್ಭಜಾತಾಯ ಆಂಜನೇಯಾಯ ಮಂಗಲಮ್ ॥ 1 ॥
ಸೂರ್ಯಶಿಷ್ಯಾಯ ಶೂರಾಯ ಸೂರ್ಯಕೋಟಿಪ್ರಕಾಶಿನೇ ।
ಸುರೇನ್ದ್ರಾದಿಭಿರ್ವನ್ದ್ಯಾಯ ಆಂಜನೇಯಾಯ ಮಂಗಲಮ್ ॥ 2 ॥
ರಾಮಸುಗ್ರೀವಸನ್ಧಾತ್ರೇ ರಾಮಾಯಾರ್ಪಿತಚೇತಸೇ ।
ರಾಮನಾಮೈಕ ನಿಷ್ಠಾಯ ರಾಮಮಿತ್ರಾಯ ಮಂಗಲಮ್ ॥ 3 ॥
ಮನೋಜವೇನ ಗನ್ತ್ರೇ ಚ ಸಮುದ್ರೋಲ್ಲಂಘನಾಯ ಚ ।
ಮೈನಾಕಾರ್ಚಿತಪಾದಾಯ ರಾಮದೂತಾಯ ಮಂಗಲಮ್ ॥ 4 ॥
ನಿರ್ಜಿತ ಸುರಸಾಯಾಸ್ಮೈ ಸಂಹೃತಸಿಂಹಿಕಾಸವೇ ।
ಲಂಕಿಣೀಗರ್ವಭಂಗಾಯ ರಾಮದೂತಾಯ ಮಂಗಲಮ್ ॥ 5 ॥
ಹೃತಲಂಕೇಶಗರ್ವಾಯ ಲಂಕಾದಹನಕಾರಿಣೇ ।
ಸೀತಾಶೋಕವಿನಾಶಾಯ ರಾಮದೂತಾಯ ಮಂಗಲಮ್ ॥ 6 ॥
ಭೀಭತ್ಸರಣರಂಗಾಯ ದುಷ್ಟದೈತ್ಯ ವಿನಾಶಿನೇ ।
ರಾಮಲಕ್ಷ್ಮಣವಾಹಾಯ ರಾಮಭೃತ್ಯಾಯ ಮಂಗಲಮ್ ॥ 7 ॥
ಧೃತಸಂಜೀವಹಸ್ತಾಯ ಕೃತಲಕ್ಷ್ಮಣಜೀವಿನೇ ।
ಭೃತಲಂಕಾಸುರಾರ್ತಾಯ ರಾಮಭಟಾಯ ಮಂಗಲಮ್ ॥ 8 ॥
ಜಾನಕೀರಾಮಸನ್ಧಾತ್ರೇ ಜಾನಕೀಹ್ಲಾದಕಾರಿಣೇ ।
ಹೃತ್ಪ್ರತಿಷ್ಠಿತರಾಮಾಯ ರಾಮದಾಸಾಯ ಮಂಗಲಮ್ ॥ 9 ॥
ರಮ್ಯೇ ಧರ್ಮಪುರೀಕ್ಷೇತ್ರೇ ನೃಸಿಂಹಸ್ಯ ಚ ಮನ್ದಿರೇ ।
ವಿಲಸದ್ ರಾಮನಿಷ್ಠಾಯ ವಾಯುಪುತ್ರಾಯ ಮಂಗಲಮ್ ॥ 10 ॥
ಗಾಯನ್ತಂ ರಾಮ ರಾಮೇತಿ ಭಕ್ತಂ ತಂ ರಕ್ಷಕಾಯ ಚ ।
ಶ್ರೀ ಪ್ರಸನ್ನಾಂಜನೇಯಾಯ ವರದಾತ್ರೇ ಚ ಮಂಗಲಮ್ ॥ 11 ॥
ವಿಶ್ವಲೋಕಸುರಕ್ಷಾಯ ವಿಶ್ವನಾಥನುತಾಯ ಚ ।
ಶ್ರೀಪ್ರಸನ್ನಾಂಜನೇಯಾಯ ವರದಾತ್ರೇ ಚ ಮಂಗಲಮ್ ॥ 12 ॥
ಇತಿ ಶ್ರೀಕೋರಿಡೇ ವಿಶ್ವನಾಥಶರ್ಮಣಾವಿರಚಿತಂ ಶ್ರೀಮದ್ಧರ್ಮಪುರೀ
ಪ್ರಸನ್ನಾಂಜನೇಯ ಮಂಗಲಾಷ್ಟಕಂ ಸಮ್ಪೂರ್ಣಮ್ ॥
