Sri Harisharanashtakam Lyrics in Malayalam:
॥ ശ്രീഹരിശരണാഷ്ടകം ॥
ശ്രീഗണേശായ നമഃ ॥
ധ്യേയം വദന്തി ശിവമേവ ഹീ കേചിദന്യേ
ശക്തിം ഗണേശമപരേ തു ദിവാകരം വൈ ।
രൂപൈസ്തു തൈരപി വിഭാസി യതസ്ത്വമേകസ്-
തസ്മാത്ത്വമേവ ശരണം മമ ശങ്ഖപാണേ ॥ 1 ॥
നോ സോദരോ ന ജനകോ ജനനീ ന ജായാ
നൈവാത്മജോ ന ച കുലം വിപുലം ബലം വാ ।
സംദൃഷ്യതേ ന കില കോഽപി സഹായകോ മേ
തസ്മാത്ത്വമേവ ശരണം മമ ശങ്ഖപാണേ ॥ 2 ॥
നോപാസിതാ മദമപാസ്യ മയാ മഹാന്തസ്-
തീര്‍ഥാനി ചാസ്തികധിയാ നഹി സേവിതാനി ।
ദേവാര്‍ചനം ച വിധിവന്ന കൃതം കദാപി
തസ്മാത്ത്വമേവ ശരണം മമ ശങ്ഖപാണേ ॥ 3 ॥
ദുര്‍വാസനാ മമ സദാ പരികര്‍ഷയന്തി
ചിത്തം ശരീരമപി രോഗഗണാ ദഹന്തി ।
സഞ്ജീവനം ച പരഹസ്തഗതം സദൈവ
തസ്മാത്ത്വമേവ ശരണം മമ ശങ്ഖപാണേ ॥ 4 ॥
പൂര്‍വം കൃതാനി ദുരിതാനി മയാ തു യാനി
സ്മൃത്വാഖിലാനി ഹൃദയം പരികമ്പതേ മേ ।
ഖ്യാതാ ച തേ പതിതപാവനതാ തു യസ്മാത്
തസ്മാത്ത്വമേവ ശരണം മമ ശങ്ഖപാണേ ॥ 5 ॥
ദുഃഖം ജരാജനനജം വിവിധാശ്ച രോഗാഃ
കാകശ്വസൂകരജനിര്‍നിരയേ ച പാതഃ ।
ത്വദ്വിസ്മൄതേഃ ഫലമിദം വിതതം ഹി ലോകേ
തസ്മാത്ത്വമേവ ശരണം മമ ശങ്ഖപാണേ ॥ 6 ॥
നീചോഽപി പാപവലിതോഽപി വിനിന്ദിതോഽപി
ബ്രൂയാത്തവാഹമിതി യസ്തു കിലൈകവാരം ।
തം യച്ഛസീശ നിജലോകമിതി വ്രതം തേ
തസ്മാത്ത്വമേവ ശരണം മമ ശങ്ഖപാണേ ॥ 7 ॥
വേദേഷു ധര്‍മവചനേഷു തഥാഗമേഷു
രാമായണേഽപി ച പുരാണകദംബകേ വാ ।
സര്‍വത്ര സര്‍വവിധിനാ ഗദിതസ്ത്വമേവ
തസ്മാത്ത്വമേവ ശരണം മമ ശങ്ഖപാണേ ॥ 8 ॥
॥ ഇതി ശ്രീപരമഹംസസ്വാമിബ്രഹ്മാനന്ദവിരചിതം
ശ്രീഹരിശരണാഷ്ടകം സമ്പൂര്‍ണം ॥
