Sri Harisharanashtakam Lyrics in Telugu:
॥ శ్రీహరిశరణాష్టకమ్ ॥
శ్రీగణేశాయ నమః ॥
ధ్యేయం వదన్తి శివమేవ హీ కేచిదన్యే
శక్తిం గణేశమపరే తు దివాకరం వై ।
రూపైస్తు తైరపి విభాసి యతస్త్వమేకస్-
తస్మాత్త్వమేవ శరణం మమ శఙ్ఖపాణే ॥ ౧ ॥
నో సోదరో న జనకో జననీ న జాయా
నైవాత్మజో న చ కులం విపులం బలం వా ।
సందృష్యతే న కిల కోఽపి సహాయకో మే
తస్మాత్త్వమేవ శరణం మమ శఙ్ఖపాణే ॥ ౨ ॥
నోపాసితా మదమపాస్య మయా మహాన్తస్-
తీర్థాని చాస్తికధియా నహి సేవితాని ।
దేవార్చనం చ విధివన్న కృతం కదాపి
తస్మాత్త్వమేవ శరణం మమ శఙ్ఖపాణే ॥ ౩ ॥
దుర్వాసనా మమ సదా పరికర్షయన్తి
చిత్తం శరీరమపి రోగగణా దహన్తి ।
సఞ్జీవనం చ పరహస్తగతం సదైవ
తస్మాత్త్వమేవ శరణం మమ శఙ్ఖపాణే ॥ ౪ ॥
పూర్వం కృతాని దురితాని మయా తు యాని
స్మృత్వాఖిలాని హృదయం పరికమ్పతే మే ।
ఖ్యాతా చ తే పతితపావనతా తు యస్మాత్
తస్మాత్త్వమేవ శరణం మమ శఙ్ఖపాణే ॥ ౫ ॥
దుఃఖం జరాజననజం వివిధాశ్చ రోగాః
కాకశ్వసూకరజనిర్నిరయే చ పాతః ।
త్వద్విస్మౄతేః ఫలమిదం వితతం హి లోకే
తస్మాత్త్వమేవ శరణం మమ శఙ్ఖపాణే ॥ ౬ ॥
నీచోఽపి పాపవలితోఽపి వినిన్దితోఽపి
బ్రూయాత్తవాహమితి యస్తు కిలైకవారమ్ ।
తం యచ్ఛసీశ నిజలోకమితి వ్రతం తే
తస్మాత్త్వమేవ శరణం మమ శఙ్ఖపాణే ॥ ౭ ॥
వేదేషు ధర్మవచనేషు తథాగమేషు
రామాయణేఽపి చ పురాణకదమ్బకే వా ।
సర్వత్ర సర్వవిధినా గదితస్త్వమేవ
తస్మాత్త్వమేవ శరణం మమ శఙ్ఖపాణే ॥ ౮ ॥
॥ ఇతి శ్రీపరమహంసస్వామిబ్రహ్మానన్దవిరచితం
శ్రీహరిశరణాష్టకం సమ్పూర్ణమ్ ॥
