શ્રીકાલભૈરવાષ્ટકમ્ Lyrics in Gujarati:
અઙ્ગસુન્દરત્વનિન્દિતાઙ્ગજાતવૈભવં
ભૃઙ્ગસર્વગર્વહારિદેહકાન્તિશોભિતમ્ ।
મઙ્ગલૌઘદાનદક્ષપાદપદ્મસંસ્મૃતિં
શૃઙ્ગશૈલવાસિનં નમામિ કાલભૈરવમ્ ॥ ૧॥
પાદનમ્રમૂકલોકવાક્પ્રદાનદીક્ષિતં
વેદવેદ્યમીશમોદવાર્ધિશુભ્રદીધિતિમ્ ।
આદરેણ દેવતાભિરર્ચિતાઙ્ઘ્રિપઙ્કજં
શૃઙ્ગશૈલવાસિનં નમામિ કાલભૈરવમ્ ॥ ૨॥
અમ્બુજાક્ષમિન્દુવક્ત્રમિન્દિરેશનાયકં
કમ્બુકણ્ઠમિષ્ટદાનધૂતકલ્પપાદપમ્ ।
અમ્બરાદિભૂતરૂપમમ્બરાયિતામ્બરં
શૃઙ્ગશૈલવાસિનં નમામિ કાલભૈરવમ્ ॥ ૩॥
મન્દભાગ્યમપ્યરં સુરેન્દ્રતુલ્યવૈભવં
સુન્દરં ચ કામતોઽપિ સંવિધાય સન્તતમ્ ।
પાલયન્તમાત્મજાતમાદરાત્પિતા યથા
શૃઙ્ગશૈલવાસિનં નમામિ કાલભૈરવમ્ ॥ ૪॥
નમ્રકષ્ટનાશદક્ષમષ્ટસિદ્ધિદાયકં
કમ્રહાસશોભિતુણ્ડમચ્છગણ્ડદર્પણમ્ ।
કુન્દપુષ્પમાનચોરદન્તકાન્તિભાસુરં
શૃઙ્ગશૈલવાસિનં નમામિ કાલભૈરવમ્ ॥ ૫॥
કાશિકાદિદિવ્યદેશવાસલોલમાનસં
પાશિવાયુકિન્નરેશમુખ્યદિગ્ધવાર્ચિતમ્ ।
નાશિતાઘવૃન્દમઙ્ઘ્રિનમ્રલોકયોગદં
શૃઙ્ગશૈલવાસિનં નમામિ કાલભૈરવમ્ ॥ ૬॥
સારમાગમસ્ય તુઙ્ગસારમેયવાહનં
દારિતાન્તરાન્ધ્યમાશુ નૈજમન્ત્રજાપિનામ્ ।
પૂરિતાખિલેષ્ટમષ્ટમૂર્તિદેહસમ્ભવં
શૃઙ્ગશૈલવાસિનં નમામિ કાલભૈરવમ્ ॥ ૭॥
કાલભીતિવારણં કપાલપાણિશોભિતં
ખણ્ડિતામરારિમિન્દુબાલશોભિમસ્તકમ્ ।
ચણ્ડબુદ્ધિદાનદક્ષમક્ષતાત્મશાસનં
શૃઙ્ગશૈલવાસિનં નમામિ કાલભૈરવમ્ ॥ ૮॥
ઇતિ શૃઙ્ગેરિ શ્રીજગદ્ગુરુ શ્રીસચ્ચિદાનન્દશિવાભિનવનૃસિંહ-
ભારતીસ્વામિભિઃ વિરચિતં શ્રીકાલભૈરવાષ્ટકં સમ્પૂર્ણમ્ ।
