Templesinindiainfo

Best Spiritual Website

Shri Kamalajadayitashtakam Lyrics in Telugu | శ్రీకమలజదయితాష్టకమ్

శ్రీకమలజదయితాష్టకమ్ Lyrics in Telugu:

శృఙ్గక్ష్మాభృన్నివాసే శుకముఖమునిభిః సేవ్యమానాఙ్ఘ్రిపద్మే
స్వాఙ్గచ్ఛాయావిధూతామృతకరసురరాడ్వాహనే వాక్సవిత్రి ।
శమ్భుశ్రీనాథముఖ్యామరవరనికరైర్మోదతః పూజ్యమానే
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౧॥

కల్పాదౌ పార్వతీశః ప్రవరసురగణప్రార్థితః శ్రౌతవర్త్మ
ప్రాబల్యం నేతుకామో యతివరవపుషాగత్య యాం శృఙగశైలే ।
సంస్థాప్యార్చాం ప్రచక్రే బహువిధనతిభిః సా త్వమిన్ద్వర్ధచూడా
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౨॥

పాపౌఘం ధ్వంసయిత్వా బహుజనిరచితం కిం చ పుణ్యాలిమారా-
త్సమ్పాద్యాస్తిక్యబుద్ధిం శ్రుతిగురువచనేష్వాదరం భక్తిదార్ఢ్యమ్ ।
దేవాచార్యద్విజాదిష్వపి మనునివహే తావకీనే నితాన్తం
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౩॥

విద్యాముద్రాక్షమాలామృతఘటవిలసత్పాణిపాథోజజాలే
విద్యాదానప్రవీణే జడబధిరముఖేభ్యోఽపి శీఘ్రం నతేభ్యః ।
కామాదీనాన్తరాన్మత్సహజరిపువరాన్దేవి నిర్మూల్య వేగాత్
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౪॥

కర్మస్వాత్మోచితేషు స్థిరతరధిషణాం దేహదార్ఢ్యం తదర్థం
దీర్ఘం చాయుర్యశశ్చ త్రిభువనవిదితం పాపమార్గాద్విరక్తిమ్ ।
సత్సఙ్గం సత్కథాయాః శ్రవణమపి సదా దేవి దత్వా కృపాబ్ధే
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౫॥

మాతస్త్వత్పాదపద్మం న వివిధకుసుమైః పూజితం జాతు భక్త్యా
గాతుం నైవాహమీశే జడమతిరలసస్త్వద్గుణాన్దివ్యపద్యైః ।
మూకే సేవావిహీనేఽప్యనుపమకరుణామర్భకేఽమ్బేవ కృత్వా
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౬॥

శాన్త్యాద్యాః సమ్పదో వితర శుభకరీర్నిత్యతద్భిన్నబోధం
వైరాగ్యం మోక్షవాఞ్ఛామపి లఘు కలయ శ్రీశివాసేవ్యమానే ।
విద్యాతీర్థాదియోగిప్రవరకరసరోజాతసమ్పూజితాఙ్ఘ్రే
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౭॥

సచ్చిద్రూపాత్మనో మే శ్రుతిమనననిదిధ్యాసనాన్యాశు మాతః
సమ్పాద్య స్వాన్తమేతద్రుచియుతమనిశం నిర్వికల్పే సమాధౌ ।
తుఙ్గాతీరాఙ్కరాజద్వరగృహవిలసచ్చక్రరాజాసనస్థే
విద్యాం శుద్ధాం చ బుద్ధిం కమలజదయితే సత్వరం దేహి మహ్యమ్ ॥ ౮॥

ఇతి శృఙ్గేరి శ్రీజగద్గురు శ్రీసచ్చిదానన్దశివాభినవనృసింహ-
భారతీస్వామిభిః విరచితం శ్రీకమలజదయితాష్టకం సమ్పూర్ణమ్ ।

Shri Kamalajadayitashtakam Lyrics in Telugu | శ్రీకమలజదయితాష్టకమ్

Leave a Reply

Your email address will not be published. Required fields are marked *

Scroll to top