Ashtaka

Shri Kantimatishvari Ashtakam Lyrics in Gujarati | શ્રીકાન્તિમતીશ્વર્યષ્ટકમ્

શ્રીકાન્તિમતીશ્વર્યષ્ટકમ્ Lyrics in Gujarati:

॥ શ્રીઃ ॥

શ્રીમદ્વેણુવનેશ્વરસ્ય રમણીં શીતાંશુબિમ્બાનનાં
શિઞ્જન્નૂપુરકોમલાઙ્ઘ્રિકમલાં કેયૂરહારાન્વિતામ્ ।
રત્નસ્યૂતકિરીટકુણ્ડલધરાં હેલાવિનોદપ્રિયાં
શ્રીમત્કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૧॥

તત્ત્વજ્ઞાનિહૃદબ્જમધ્યનિલયાં તામ્રાપગાતીરગાં
કારુણ્યામ્બુનિધિં તડિત્તુલિતભાં તાલીદલશ્યામલામ્ ।
લીલાસૃષ્ટિવિધાયિનીં તનુભૃતાં તાત્પર્યબોધાપ્તયે
તન્વીં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૨॥

સઙ્ગીતામૃતસિન્ધુમધ્યભવનાં સાહિત્યનિત્યાદરાં
સ્વારસ્યાદ્ભુતનાટ્યવીક્ષણપરાં સાલોક્યમુક્ત્યાદિદામ્ ।
સાધુભ્યઃ સકલામરાર્થિતમહાસામ્રાજ્યલક્ષ્મીપ્રદાં
સાધ્વીં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૩॥

કલ્યાણીમખિલાણ્ડકોટિજનનીં કલ્હારદામોજ્જ્વલાં
કસ્તૂરીતિલકાભિરામનિટિલાં કઞ્જાસનારાધિતામ્ ।
કામારેઃકનકાચલેન્દ્રધનુષઃ કારુણ્યવારાન્નિધેઃ
કાન્તાં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૪॥

ભક્તાનાં ભયજાલભઞ્જનકરીં ભાન્વબ્જશુક્રેક્ષણાં
ભાગ્યોદારગુણાન્વિતાં ભગવતીં ભણ્ડાસુરધ્વંસિનીમ્ ।
ભાસ્વદ્રત્નકિરીટકુણ્ડલધરાં ભદ્રાસનાધ્યાસિનીં
ભવ્યાં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૫॥

દેવાનામભયપ્રદાં વિધિનુતાં દુષ્ટાપહન્ત્રીં સુખાં
દેશાનેકદિગન્તમધ્યનિલયાં દેહાર્ધદાસ્યપ્રિયામ્ ।
માધુર્યાકરચન્દ્રખણ્ડમકુટાં દેવાઙ્ગનાસેવિતાં
દેવીં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૬॥

દુષ્ટાટોપવિનાશનૈકનિપુણાં દૌર્ભાગ્યવિચ્છેદિનીં
દુર્માત્સર્યમદાભિમાનમથિનીં દુઃખાપહાં પ્રાણિનામ્ ।
દુર્વારામિતદૈત્યભઞ્જનકરીં દુઃસ્વપ્નહન્ત્રીં શિવાં
દુર્ગાં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૭॥

મન્દસ્મેરમુખામ્બુજાં મરકતશ્યામાં મહાવૈભવાં
માતઙ્ગીં મહિષાસુરસ્ય શમનીં માતઙ્ગકુમ્ભસ્તનીમ્ ।
મન્દારદ્રુમસન્નિભાં સુમધુરાં સિંહાસનાધ્યાસિતાં
માન્યાં કાન્તિમતીશ્વરીં હૃદિ ભજે શ્રીરાજરાજેશ્વરીમ્ ॥ ૮॥

ઇતિ શૃઙ્ગેરિ શ્રીજગદ્ગુરુ શ્રીસચ્ચિદાનન્દશિવાભિનવનૃસિંહ-
ભારતીસ્વામિભિઃ વિરચિતં શ્રીકાન્તિમતીશ્વર્યષ્ટકં સમ્પૂર્ણમ્ ।

Add Comment

Click here to post a comment