Templesinindiainfo

Best Spiritual Website

Shri Kantimatishvari Ashtakam Lyrics in Oriya | ଶ୍ରୀକାନ୍ତିମତୀଶ୍ଵର୍ୟଷ୍ଟକମ୍

ଶ୍ରୀକାନ୍ତିମତୀଶ୍ଵର୍ୟଷ୍ଟକମ୍ Lyrics in Oriya:

॥ ଶ୍ରୀଃ ॥

ଶ୍ରୀମଦ୍ଵେଣୁଵନେଶ୍ଵରସ୍ୟ ରମଣୀଂ ଶୀତାଂଶୁବିମ୍ବାନନାଂ
ଶିଞ୍ଜନ୍ନୂପୁରକୋମଲାଙ୍ଘ୍ରିକମଲାଂ କେୟୂରହାରାନ୍ଵିତାମ୍ ।
ରତ୍ନସ୍ୟୂତକିରୀଟକୁଣ୍ଡଲଧରାଂ ହେଲାଵିନୋଦପ୍ରିୟାଂ
ଶ୍ରୀମତ୍କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୧॥

ତତ୍ତ୍ଵଜ୍ଞାନିହୃଦବ୍ଜମଧ୍ୟନିଲୟାଂ ତାମ୍ରାପଗାତୀରଗାଂ
କାରୁଣ୍ୟାମ୍ବୁନିଧିଂ ତଡିତ୍ତୁଲିତଭାଂ ତାଲୀଦଲଶ୍ୟାମଲାମ୍ ।
ଲୀଲାସୃଷ୍ଟିଵିଧାୟିନୀଂ ତନୁଭୃତାଂ ତାତ୍ପର୍ୟବୋଧାପ୍ତୟେ
ତନ୍ଵୀଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୨॥

ସଙ୍ଗୀତାମୃତସିନ୍ଧୁମଧ୍ୟଭଵନାଂ ସାହିତ୍ୟନିତ୍ୟାଦରାଂ
ସ୍ଵାରସ୍ୟାଦ୍ଭୁତନାଟ୍ୟଵୀକ୍ଷଣପରାଂ ସାଲୋକ୍ୟମୁକ୍ତ୍ୟାଦିଦାମ୍ ।
ସାଧୁଭ୍ୟଃ ସକଲାମରାର୍ଥିତମହାସାମ୍ରାଜ୍ୟଲକ୍ଷ୍ମୀପ୍ରଦାଂ
ସାଧ୍ଵୀଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୩॥

କଲ୍ୟାଣୀମଖିଲାଣ୍ଡକୋଟିଜନନୀଂ କଲ୍ହାରଦାମୋଜ୍ଜ୍ଵଲାଂ
କସ୍ତୂରୀତିଲକାଭିରାମନିଟିଲାଂ କଞ୍ଜାସନାରାଧିତାମ୍ ।
କାମାରେଃକନକାଚଲେନ୍ଦ୍ରଧନୁଷଃ କାରୁଣ୍ୟଵାରାନ୍ନିଧେଃ
କାନ୍ତାଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୪॥

ଭକ୍ତାନାଂ ଭୟଜାଲଭଞ୍ଜନକରୀଂ ଭାନ୍ଵବ୍ଜଶୁକ୍ରେକ୍ଷଣାଂ
ଭାଗ୍ୟୋଦାରଗୁଣାନ୍ଵିତାଂ ଭଗଵତୀଂ ଭଣ୍ଡାସୁରଧ୍ଵଂସିନୀମ୍ ।
ଭାସ୍ଵଦ୍ରତ୍ନକିରୀଟକୁଣ୍ଡଲଧରାଂ ଭଦ୍ରାସନାଧ୍ୟାସିନୀଂ
ଭଵ୍ୟାଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୫॥

ଦେଵାନାମଭୟପ୍ରଦାଂ ଵିଧିନୁତାଂ ଦୁଷ୍ଟାପହନ୍ତ୍ରୀଂ ସୁଖାଂ
ଦେଶାନେକଦିଗନ୍ତମଧ୍ୟନିଲୟାଂ ଦେହାର୍ଧଦାସ୍ୟପ୍ରିୟାମ୍ ।
ମାଧୁର୍ୟାକରଚନ୍ଦ୍ରଖଣ୍ଡମକୁଟାଂ ଦେଵାଙ୍ଗନାସେଵିତାଂ
ଦେଵୀଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୬॥

ଦୁଷ୍ଟାଟୋପଵିନାଶନୈକନିପୁଣାଂ ଦୌର୍ଭାଗ୍ୟଵିଚ୍ଛେଦିନୀଂ
ଦୁର୍ମାତ୍ସର୍ୟମଦାଭିମାନମଥିନୀଂ ଦୁଃଖାପହାଂ ପ୍ରାଣିନାମ୍ ।
ଦୁର୍ଵାରାମିତଦୈତ୍ୟଭଞ୍ଜନକରୀଂ ଦୁଃସ୍ଵପ୍ନହନ୍ତ୍ରୀଂ ଶିଵାଂ
ଦୁର୍ଗାଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୭॥

ମନ୍ଦସ୍ମେରମୁଖାମ୍ବୁଜାଂ ମରକତଶ୍ୟାମାଂ ମହାଵୈଭଵାଂ
ମାତଙ୍ଗୀଂ ମହିଷାସୁରସ୍ୟ ଶମନୀଂ ମାତଙ୍ଗକୁମ୍ଭସ୍ତନୀମ୍ ।
ମନ୍ଦାରଦ୍ରୁମସନ୍ନିଭାଂ ସୁମଧୁରାଂ ସିଂହାସନାଧ୍ୟାସିତାଂ
ମାନ୍ୟାଂ କାନ୍ତିମତୀଶ୍ଵରୀଂ ହୃଦି ଭଜେ ଶ୍ରୀରାଜରାଜେଶ୍ଵରୀମ୍ ॥ ୮॥

ଇତି ଶୃଙ୍ଗେରି ଶ୍ରୀଜଗଦ୍ଗୁରୁ ଶ୍ରୀସଚ୍ଚିଦାନନ୍ଦଶିଵାଭିନଵନୃସିଂହ-
ଭାରତୀସ୍ଵାମିଭିଃ ଵିରଚିତଂ ଶ୍ରୀକାନ୍ତିମତୀଶ୍ଵର୍ୟଷ୍ଟକଂ ସମ୍ପୂର୍ଣମ୍ ।

Shri Kantimatishvari Ashtakam Lyrics in Oriya | ଶ୍ରୀକାନ୍ତିମତୀଶ୍ଵର୍ୟଷ୍ଟକମ୍

Leave a Reply

Your email address will not be published. Required fields are marked *

Scroll to top