Ashtaka

Shri Krishnachandra Ashtakam Lyrics in Oriya | ଶ୍ରୀକୃଷ୍ଣଚନ୍ଦ୍ରାଷ୍ଟକମ୍

ଶ୍ରୀକୃଷ୍ଣଚନ୍ଦ୍ରାଷ୍ଟକମ୍ Lyrics in Oriya:

ମହାନୀଲମେଘାତିଭଵ୍ୟଂ ସୁହାସଂ ଶିଵବ୍ରହ୍ମଦେଵାଦିଭିଃ ସଂସ୍ତୁତଶ୍ଚ ।
ରମାମନ୍ଦିରଂ ଦେଵନନ୍ଦାପଦାହଂ ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦ୍ରମ୍ ॥ ୧॥

ରସଂ ଵେଦଵେଦାନ୍ତଵେଦ୍ୟଂ ଦୁରାପଂ ସୁଗମ୍ୟଂ ତଦୀୟାଦିଭିର୍ଦାନଵଘ୍ନମ୍ ।
ଲସତ୍କୁଣ୍ଡଲଂ ସୋମଵଂଶପ୍ରଦୀପଂ ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦ୍ରମ୍ ॥ ୨॥

ୟଶୋଦାଦିସଂଲାଲିତଂ ପୂର୍ଣକାମଂ ଦୃଶୋରଞ୍ଜନଂ ପ୍ରାକୃତସ୍ଥସ୍ଵରୂପମ୍ ।
ଦିନାନ୍ତେ ସମାୟାନ୍ତମେକାନ୍ତଭକ୍ତୈର୍ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦ୍ରମ୍ ॥ ୩॥

କୃପାଦୃଷ୍ଟିସମ୍ପାତସିକ୍ତସ୍ଵକୁଞ୍ଜଂ ତଦନ୍ତଃସ୍ଥିତସ୍ଵୀୟସମ୍ୟଗ୍ଦଶାଦମ୍ ।
ପୁନସ୍ତତ୍ର ତୈଃ ସତ୍କୃତୈକାନ୍ତଲୀଲଂ ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦମ୍ ॥ ୪॥

ଗୃହେ ଗୋପିକାଭିର୍ଧୃତେ ଚୌର୍ୟକାଲେ ତଦକ୍ଷ୍ଣୋଶ୍ଚ ନିକ୍ଷିପ୍ୟ ଦୁଗ୍ଧଂ ଚଲନ୍ତମ୍ ।
ତଦା ତଦ୍ଵିୟୋଗାଦିସମ୍ପତ୍ତିକାରଂ ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦ୍ରମ୍ ॥ ୫॥

ଚଲତ୍କୌସ୍ତୁଭଵ୍ୟାପ୍ତଵକ୍ଷଃପ୍ରଦେଶଂ ମହାଵୈଜୟନ୍ତୀଲସତ୍ପାଦୟୁଗ୍ମମ୍ ।
ସୁକସ୍ତୂରିକାଦୀପ୍ତଭାଲପ୍ରଦେଶଂ ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦ୍ରମ୍ ॥ ୬॥

ଗଵା ଦୋହନେ ଦୃଷ୍ଟରାଧାମୁଖାବ୍ଜଂ ତଦାନୀଂ ଚ ତନ୍ମେଲନଵ୍ୟଗ୍ରଚିତ୍ତମ୍ ।
ସମୁତ୍ପନ୍ନତନ୍ମାନସୈକାନ୍ତଭାଵଂ ଭଜେ ରାଧିକାଵଲ୍ଲଭଂ କୃଷ୍ଣଚନ୍ଦ୍ରମ୍ ॥ ୭॥

ଅଦଃ କୃଷ୍ଣଚନ୍ଦ୍ରାଷ୍ଟକଂ ପ୍ରେମୟୁକ୍ତଃ ପଠେତ୍କୃଷ୍ଣସାନ୍ନିଧ୍ୟମାପ୍ନୋତି ନିତ୍ୟମ୍ ।
କଲୌ ୟଃ ସ ସଂସାରଦୁଃଖାତିରିକ୍ତଂ ପ୍ରୟାତ୍ୟେଵ ଵିଷ୍ଣୋଃ ପଦଂ ନିର୍ଭୟଂ ତତ୍ ॥ ୮॥

॥ ଇତି ଶ୍ରୀରଘୁନାଥପ୍ରଭୁଵିରଚିତଂ ଶ୍ରୀକୃପ୍ଣଚନ୍ଦ୍ରାଷ୍ଟକଂ ସମ୍ପୂର୍ଣମ୍ ॥

Add Comment

Click here to post a comment