Ashtaka

Shri Krishnachandra Ashtakam Lyrics in Telugu | శ్రీకృష్ణచన్ద్రాష్టకమ్

శ్రీకృష్ణచన్ద్రాష్టకమ్ Lyrics in Telugu:

మహానీలమేఘాతిభవ్యం సుహాసం శివబ్రహ్మదేవాదిభిః సంస్తుతశ్చ ।
రమామన్దిరం దేవనన్దాపదాహం భజే రాధికావల్లభం కృష్ణచన్ద్రమ్ ॥ ౧॥

రసం వేదవేదాన్తవేద్యం దురాపం సుగమ్యం తదీయాదిభిర్దానవఘ్నమ్ ।
లసత్కుణ్డలం సోమవంశప్రదీపం భజే రాధికావల్లభం కృష్ణచన్ద్రమ్ ॥ ౨॥

యశోదాదిసంలాలితం పూర్ణకామం దృశోరఞ్జనం ప్రాకృతస్థస్వరూపమ్ ।
దినాన్తే సమాయాన్తమేకాన్తభక్తైర్భజే రాధికావల్లభం కృష్ణచన్ద్రమ్ ॥ ౩॥

కృపాదృష్టిసమ్పాతసిక్తస్వకుఞ్జం తదన్తఃస్థితస్వీయసమ్యగ్దశాదమ్ ।
పునస్తత్ర తైః సత్కృతైకాన్తలీలం భజే రాధికావల్లభం కృష్ణచన్దమ్ ॥ ౪॥

గృహే గోపికాభిర్ధృతే చౌర్యకాలే తదక్ష్ణోశ్చ నిక్షిప్య దుగ్ధం చలన్తమ్ ।
తదా తద్వియోగాదిసమ్పత్తికారం భజే రాధికావల్లభం కృష్ణచన్ద్రమ్ ॥ ౫॥

చలత్కౌస్తుభవ్యాప్తవక్షఃప్రదేశం మహావైజయన్తీలసత్పాదయుగ్మమ్ ।
సుకస్తూరికాదీప్తభాలప్రదేశం భజే రాధికావల్లభం కృష్ణచన్ద్రమ్ ॥ ౬॥

గవా దోహనే దృష్టరాధాముఖాబ్జం తదానీం చ తన్మేలనవ్యగ్రచిత్తమ్ ।
సముత్పన్నతన్మానసైకాన్తభావం భజే రాధికావల్లభం కృష్ణచన్ద్రమ్ ॥ ౭॥

అదః కృష్ణచన్ద్రాష్టకం ప్రేమయుక్తః పఠేత్కృష్ణసాన్నిధ్యమాప్నోతి నిత్యమ్ ।
కలౌ యః స సంసారదుఃఖాతిరిక్తం ప్రయాత్యేవ విష్ణోః పదం నిర్భయం తత్ ॥ ౮॥

॥ ఇతి శ్రీరఘునాథప్రభువిరచితం శ్రీకృప్ణచన్ద్రాష్టకం సమ్పూర్ణమ్ ॥

Add Comment

Click here to post a comment