శ్రీకృష్ణచన్ద్రాష్టకమ్ ౨Lyrics in Telugu:
శ్రీకేవలరామప్రణీతమ్
వనభువి విహరన్తౌ తచ్ఛవిం వర్ణయన్తౌ
సుహృదమనుసరన్తౌ దుర్హృదం సూదయన్తౌ ।
ఉపయమునమటన్తౌ వేణునాదం సృజన్తౌ
భజ హృదయ హసన్తౌ రామకృష్ణౌ లసన్తౌ ॥ ౧॥
కలయసి భవరీతిం నైవ చేద్భూరిభూతిం
యమకృతనిగృహీతిం తర్హి కృత్వా వినీతిమ్ ।
జహిహి ముహురనీతిం జాయమానప్రతీతిం
కురు మధురిపుగీతిం రే మనో మాన్యగీతిమ్ ॥ ౨॥
ద్విపపరివృఢదన్తం యః సముత్పాట్య సాన్తం
సదసి పరిభవన్తం లీలయా హన్త సాన్తమ్ ।
స్వజనమసుఖయన్తం కంసమారాద్భ్రమన్తం
సకలహృది వసన్తం చిన్తయామి ప్రభుం తమ్ ॥ ౩॥
కరధృతనవనీతః స్తేయతస్తస్య భీతః
పశుపగణపరీతః శ్రీయశోదాగృహీతః ।
నిఖిలనిగమగీతః కాలమాయాద్యభీతః
కనకసదుపవీతః శ్రీశుకాదిప్రతీతః ॥ ౪॥
సకలజననియన్తా గోసమూహానుగన్తా
వ్రజవిలసదనన్తాభీరుగేహేషు రన్తా ।
అసురనికరహన్తా శక్రయాగావమన్తా
జయతి విజయియన్తా వేదమార్గాభిమన్తా ॥ ౫॥
సుకృతివిహితసేవో నిర్జితానేకదేవో
భవవిధికృతసేవః ప్రీణితాశేషదేవః ।
స్మ నయతి వసుదేవో గోకులం యం ముదే వో
భవతు స యదుదేవః సర్వదా వాసుదేవః ॥ ౬॥
కరకజధృతశైలే ప్రోల్లసత్పీతచైలే ?? మయ్ బే చోర్రేచ్త్
రుచిరనవఘనాభే శోభనే పద్మనాభే ।
వికచకుసుమపుఞ్జే శోభమానే నికుఞ్జే
స్థితవతి కురు చేతః ప్రీతిమన్యత్ర నేతః ॥ ౭॥
విషయవిరచితాశే ప్రాప్తసంసారపాశే-
ఽనవగతనిజరూపే సృష్టకర్మణ్యపూపే ।
సుకృతకృతివిహీనే శ్రీహరే భక్తిహీనే
మయి కృతయ సమన్తౌ కేవలే దీనజన్తౌ ॥ ౮॥
ఇతి శ్రీకేవలరామప్రణీతం శ్రీకృష్ణచన్ద్రాష్టకం సమ్పూర్ణమ్ ।
