শ্রীকৃষ্ণাষ্টকম্ ৪ Lyrics in Bengali:
শ্রিয়াঽঽশ্লিষ্টো বিষ্ণুঃ স্থিরচরগুরুর্বেদবিষয়ো
ধিয়াং সাক্ষী শুদ্ধো হরিরসুরহন্তাব্জনয়নঃ ।
গদী শঙ্খী চক্রী বিমলবনমালী স্থিররুচিঃ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ১॥
য়তঃ সর্বং জাতং বিয়দনিলমুখ্যং জগদিদম্
স্থিতৌ নিঃশেষং য়োঽবতি নিজসুখাংশেন মধুহা ।
লয়ে সর্বং স্বস্মিন্হরতি কলয়া য়স্তু স বিভুঃ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ২॥
অসূনায়ম্যাদৌ য়মনিয়মমুখ্যৈঃ সুকরণৈ/-
র্নিরুদ্ধ্যেদং চিত্তং হৃদি বিলয়মানীয় সকলম্ ।
য়মীড্যং পশ্যন্তি প্রবরমতয়ো মায়িনমসৌ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ৩॥
পৃথিব্যাং তিষ্ঠন্যো য়ময়তি মহীং বেদ ন ধরা
য়মিত্যাদৌ বেদো বদতি জগতামীশমমলম্ ।
নিয়ন্তারং ধ্যেয়ং মুনিসুরনৃণাং মোক্ষদমসৌ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ৪॥
মহেন্দ্রাদির্দেবো জয়তি দিতিজান্যস্য বলতো
ন কস্য স্বাতন্ত্র্যং ক্বচিদপি কৃতৌ য়ত্কৃতিমৃতে ।
বলারাতের্গর্বং পরিহরতি য়োঽসৌ বিজয়িনঃ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ৫॥
বিনা য়স্য ধ্যানং ব্রজতি পশুতাং সূকরমুখাং
বিনা য়স্য জ্ঞানং জনিমৃতিভয়ং য়াতি জনতা ।
বিনা য়স্য স্মৃত্যা কৃমিশতজনিং য়াতি স বিভুঃ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ৬॥
নরাতঙ্কোত্তঙ্কঃ শরণশরণো ভ্রান্তিহরণো
ঘনশ্যামো বামো ব্রজশিশুবয়স্যোঽর্জুনসখঃ ।
স্বয়ম্ভূর্ভূতানাং জনক উচিতাচারসুখদঃ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ৭॥
য়দা ধর্মগ্লানির্ভবতি জগতাং ক্ষোভকরণী
তদা লোকস্বামী প্রকটিতবপুঃ সেতুধৃদজঃ ।
সতাং ধাতা স্বচ্ছো নিগমগণগীতো ব্রজপতিঃ
শরণ্যো লোকেশো মম ভবতু কৃষ্ণোঽক্ষিবিষয়ঃ ॥ ৮॥
ইতি হরিরখিলাত্মাঽঽরাধিতঃ শঙ্করেণ
শ্রুতিবিশদগুণোঽসৌ মাতৃমোক্ষার্থমাদ্যঃ ।
য়তিবরনিকটে শ্রীয়ুক্ত আবির্বভূব
স্বগুণবৃত উদারঃ শঙ্খচক্রাঞ্জহস্তঃ ॥ ৯॥
ইতি শ্রীমত্পরমহংসপরিব্রাজকাচার্যস্য
শ্রীগোবিন্দভগবত্পূজ্যপাদশিষ্যস্য
শ্রীমচ্ছঙ্করভগবতঃ কৃতৌ কৃষ্ণাষ্টকং সম্পূর্ণম্ ॥
