Ashtaka

Shri Krishnashtakam 4 Lyrics in Gujarati | શ્રીકૃષ્ણાષ્ટકમ્ ૪

શ્રીકૃષ્ણાષ્ટકમ્ ૪ Lyrics in Gujarati:

શ્રિયાઽઽશ્લિષ્ટો વિષ્ણુઃ સ્થિરચરગુરુર્વેદવિષયો
ધિયાં સાક્ષી શુદ્ધો હરિરસુરહન્તાબ્જનયનઃ ।
ગદી શઙ્ખી ચક્રી વિમલવનમાલી સ્થિરરુચિઃ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૧॥

યતઃ સર્વં જાતં વિયદનિલમુખ્યં જગદિદમ્
સ્થિતૌ નિઃશેષં યોઽવતિ નિજસુખાંશેન મધુહા ।
લયે સર્વં સ્વસ્મિન્હરતિ કલયા યસ્તુ સ વિભુઃ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૨॥

અસૂનાયમ્યાદૌ યમનિયમમુખ્યૈઃ સુકરણૈ/-
ર્નિરુદ્ધ્યેદં ચિત્તં હૃદિ વિલયમાનીય સકલમ્ ।
યમીડ્યં પશ્યન્તિ પ્રવરમતયો માયિનમસૌ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૩॥

પૃથિવ્યાં તિષ્ઠન્યો યમયતિ મહીં વેદ ન ધરા
યમિત્યાદૌ વેદો વદતિ જગતામીશમમલમ્ ।
નિયન્તારં ધ્યેયં મુનિસુરનૃણાં મોક્ષદમસૌ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૪॥

મહેન્દ્રાદિર્દેવો જયતિ દિતિજાન્યસ્ય બલતો
ન કસ્ય સ્વાતન્ત્ર્યં ક્વચિદપિ કૃતૌ યત્કૃતિમૃતે ।
બલારાતેર્ગર્વં પરિહરતિ યોઽસૌ વિજયિનઃ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૫॥

વિના યસ્ય ધ્યાનં વ્રજતિ પશુતાં સૂકરમુખાં
વિના યસ્ય જ્ઞાનં જનિમૃતિભયં યાતિ જનતા ।
વિના યસ્ય સ્મૃત્યા કૃમિશતજનિં યાતિ સ વિભુઃ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૬॥

નરાતઙ્કોત્તઙ્કઃ શરણશરણો ભ્રાન્તિહરણો
ઘનશ્યામો વામો વ્રજશિશુવયસ્યોઽર્જુનસખઃ ।
સ્વયમ્ભૂર્ભૂતાનાં જનક ઉચિતાચારસુખદઃ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૭॥

યદા ધર્મગ્લાનિર્ભવતિ જગતાં ક્ષોભકરણી
તદા લોકસ્વામી પ્રકટિતવપુઃ સેતુધૃદજઃ ।
સતાં ધાતા સ્વચ્છો નિગમગણગીતો વ્રજપતિઃ
શરણ્યો લોકેશો મમ ભવતુ કૃષ્ણોઽક્ષિવિષયઃ ॥ ૮॥

ઇતિ હરિરખિલાત્માઽઽરાધિતઃ શઙ્કરેણ
શ્રુતિવિશદગુણોઽસૌ માતૃમોક્ષાર્થમાદ્યઃ ।
યતિવરનિકટે શ્રીયુક્ત આવિર્બભૂવ
સ્વગુણવૃત ઉદારઃ શઙ્ખચક્રાઞ્જહસ્તઃ ॥ ૯॥

ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છઙ્કરભગવતઃ કૃતૌ કૃષ્ણાષ્ટકં સમ્પૂર્ણમ્ ॥

Add Comment

Click here to post a comment