শ্রীকৃষ্ণাষ্টকম্ ৫ Lyrics in Bengali:
(শ্রী বাদিরাজ তীর্থ কৃতম্)
॥ অথ শ্রী কৃষ্ণাষ্টকম্ ॥
মধ্বমানসপদ্মভানুসমম্ স্মর প্রতিসংস্মরম্
স্নিগ্ধনির্মলশীতকান্তিলসন্মুখম্ করুণোন্মুখম্ ।
হৃদয়কম্বুসমানকন্ধরমক্ষয়ম্ দুরিতক্ষয়ম্
স্নিগ্ধসংস্তুত রৌপ্যপীঠকৃতালয়ম্ হরিমালয়ম্ ॥ ১॥
অংগদাদিসুশোভিপাণিয়ুগেন সম্ক্ষুভিতৈনসম্
তুংগমাল্যমণীন্দ্রহারসরোরসম্ খলনীরসম্ ।
মংগলপ্রদমন্থদামবিরাজিতম্ ভজতাজিতম্
তম্ গৃণেবররৌপ্যপীঠকৃতালয়ম্ হরিমালয়ম্ ॥ ২॥
পীনরম্যতনূদরম্ ভজ হে মনঃ শুভ হে মনঃ
স্বানুভাবনিদর্শনায় দিশন্তমার্থিশু শন্তমম্ ।
আনতোস্মি নিজার্জুনপ্রিয়সাধকম্ খলবাধকম্
হীনতোজ্ঝিতরৌপ্যপীঠকৃতালয়ম্ হরিমালয়ম্ ॥ ৩॥
হেমকিংকিণিমালিকারসনাংচিতম্ তমবংচিতম্
রত্নকাংচনবস্ত্রচিত্রকটিম্ ঘনপ্রভয়া ঘনম্ ।
কম্রনাগকরোপমূরুমনাময়ম্ শুভধীময়ম্
নৌম্যহম্ বররৌপ্যপীঠকৃতালয়ম্ হরিমালয়ম্ ॥ ৪॥
বৃত্তজানুমনোজজংঘমমোহদম্ পরমোহদম্
রত্নকল্পনখত্বিশা হৃতমুত্তমঃ স্তুতিমুত্তমম্ ।
প্রত্যহম্ রচিতার্চনম্ রময়া স্বয়াগতয়া স্বয়ম্
চিত্ত চিন্তয় রৌপ্যপীঠকৃতালয়ম্ হরিমালয়ম্ ॥ ৫ ॥
চারুপাদসরোজয়ুগ্মরুচামরোচ্চয়চামরো
দারমূর্ধজভারমন্দলরংজকম্ কলিভংজকম্ ।
বীরতোচিতভূশণম্ বরনূপুরম্ স্বতনূপুরম্
ধারয়াত্মনি রৌপ্যপীঠ কৃতলয়ম্ হরিমালয়ম্ ॥ ৬ ॥
শুষ্কবাদিমনোতিদূরতরাগমোত্সবদাগমম্
সত্কবীন্দ্রবচোবিলাসমহোদয়ম্ মহিতোদয়ম্ ।
লক্ষয়ামি য়তীস্বরৈঃ কৃতপূজনম্ গুণভাজনম্
ধিক্কৃতোপমরৌপ্যপীঠকৃতালয়ম্ হরিমালয়ম্ ॥ ৭ ॥
নারদপ্রিয়মাবিশাম্বুরুহেক্ক্ষণম্ নিজলক্ষণম্
দ্বারকোপমচারুদীপরুচান্তরে গতচিন্ত রে ।
(তারকোপমচারুদীপরুচান্তরে গতচিন্ত রে । )
ধীরমানসপূর্ণচন্দ্রসমানমচ্যুতমানম
দ্বারকোপমরৌপ্যপীঠকৃতালয়ম্ হরিমালয়ম্ ॥ ৮ ॥
ফল-শ্রুতিঃ
রৌপ্যপীঠকৃতালয়স্য হরেঃ প্রিয়ম্ দুরিতাপ্রিয়ম্
তত্পদার্চকবাদিরাজয়তীরিতম্ গুণপূরিতম্ ।
গোপ্যমষ্টকমেতদুচ্চমুদে মম ত্বিহ নির্মম-
(গোপ্যমষ্টকমেতদুচ্চমুদে ভবত্বিহ নির্মম-)
প্রাপ্যশুদ্ধফলায় তত্র সুকোমলম্ হতধীমলম্
প্রাপ্যসৌখ্যফলায় তত্র সুকোমলম্ হতধীমলম্ ॥ ৯ ॥
॥ শ্রী কৃষ্ণার্পণমস্তু ॥
