శ్రీకృష్ణాష్టకమ్ 6 Lyrics in Telugu:
ఓం
శ్రీరామజయమ్ ।
ఓం సద్గురుశ్రీత్యాగరాజస్వామినే నమో నమః ।
ఓం గీతాచార్యాయ విద్మహే । భక్తమిత్రాయ ధీమహి ।
తన్నః కృష్ణః ప్రచోదయాత్ ॥
పరమాత్మస్వరూపాయ నారాయణాయ విష్ణవే ।
పరిపూర్ణావతారాయ శ్రీకృష్ణాయ నమో నమః ॥ ౧॥
దేవకీప్రియపుత్రాయ యశోదాలాలితాయ చ ।
వాసుదేవాయ దేవాయ నన్దనన్దాయ తే నమః ॥ ౨॥
గోపికానన్దలీలాయ నవనీతప్రియాయ చ ।
వేణుగానాభిలోలాయ రాధాకృష్ణాయ తే నమః ॥ ౩॥
గోవిన్దాయ ముకున్దాయ కంసాదిరిపుదారిణే ।
మాతాపితృసునన్దాయ ద్వారకాపతయే నమః ॥ ౪॥
రుక్మిణీప్రియనాథాయ రుగ్మపీతామ్బరాయ చ ।
సత్యభామాసమేతాయ సత్కామాయ నమో నమః ॥ ౫॥
పాణ్డవప్రియమిత్రాయ పాఞ్చాలీమానరక్షిణే ।
పార్థానుగ్రహకారాయ పార్థసారథయే నమః ॥ ౬॥
గీతోపదేశబోధాయ విశ్వరూపప్రకాశినే ।
వేదాన్తసారసత్యాయ వేదనాదాయ తే నమః ॥ ౭॥
సదాసక్తసురక్షాయ సదామానసవాసినే ।
సదాత్మానన్దపూర్ణాయ శ్రీకృష్ణాయ నమో నమః ॥ ౮॥
త్యాగబ్రహ్మసుగీతాయ గీతపుష్పార్చితాయ చ ।
మనోవాక్కాయపూర్ణాయ శ్రీకృష్ణాయ సుమఙ్గలమ్ ॥ ౯॥
కృష్ణాష్టకమిదం పుణ్యం కృష్ణప్రేర్యం శుభప్రదమ్ ।
పుష్పార్చనసుపద్యం చ శ్రీకృష్ణసుకృపావహమ్ ॥ ౧౦॥
ఇతి సద్గురుశ్రీత్యాగరాజస్వామినః శిష్యయా భక్తయా పుష్పయా కృతం
శ్రీకృష్ణాష్టకం గురౌ సమర్పితమ్ ।
ఓం శుభమస్తు ।
