శ్రీకృష్ణాష్టక బ్రహ్మానన్దవిరచితం Lyrics in Telugu:
శ్రీ గణేశాయ నమః ।
చతుర్ముఖాదిసంస్తుతం సమస్తసాత్వతానుతమ్ ।
హలాయుధాదిసంయుతం నమామి రాధికాధిపమ్ ॥ ౧॥
బకాదిదైత్యకాలకం సగోపగోపిపాలకమ్ ।
మనోహరాసితాలకం నమామి రాధికాధిపమ్ ॥ ౨॥
సురేన్ద్రగర్వగఞ్జనం విరఞ్చిమోహభఞ్జనమ్ ।
వ్రజాఙ్గనానురఞ్జనం నమామి రాధికాధిపమ్ ॥ ౩॥
మయూరపిచ్ఛమణ్డనం గజేన్ద్రదన్తఖణ్డనమ్ ।
నృశంసకంసదణ్డనం నమామి రాధికాధిపమ్ ॥ ౪॥
ప్రదత్తవిప్రదారకం సుదామధామకారకమ్ ।
సురద్రుమాపహారకం నమామి రాధికాధిపమ్ ॥ ౫॥
ధనఞ్జయాజయావహం మహాచమూక్షయావహమ్ ।
పితామహవ్యథాపహం నమామి రాధికాధిపమ్ ॥ ౬॥
మునీన్ద్రశాపకారణం యదుప్రజాపహారణమ్ ।
ధరాభరావతారణం నమామి రాధికాధిపమ్ ॥ ౭॥
సువృక్షమూలశాయినం మృగారిమోక్షదాయినమ్ ।
స్వకీయధామమాయినం నమామి రాధికాధిపమ్ ॥ ౮॥
ఇదం సమాహితో హితం వరాష్టకం సదా ముదా ।
జపఞ్జనో జనుర్జరాదితో ద్రుతం ప్రముచ్యతే ॥ ౯॥
॥ ఇతి శ్రీపరమహంసబ్రహ్మానన్దవిరచితం శ్రీకృష్ణాష్టకం సమ్పూర్ణమ్ ॥
