ശ്രീകൃഷ്ണാഷ്ടകം 8 Lyrics in Malayalam:
ശ്രീഗോപഗോകുലവിവര്‍ധന നന്ദസൂനോ
രാധാപതേ വ്രജജനാര്‍തിഹരാവതാര ।
മിത്രാത്മജാതടവിഹാരണ ദീനബന്ധോ
ദാമോദരാച്യുത വിഭോ മമ ദേഹി ദാസ്യം ॥ 1॥
ശ്രീരാധികാരമണ മാധവ ഗോകുലേന്ദ്ര-
സൂനോ യദൂത്തമ രമാര്‍ചിതപാദപദ്മ ।
ശ്രീശ്രീനിവാസ പുരുഷോത്തമ വിശ്വമൂര്‍ത്തേ
ഗോവിന്ദ യാദവപതേ മമ ദേഹി ദാസ്യം ॥ 2॥
ഗോവര്‍ധനോദ്ധരണ ഗോകുലവല്ലഭാദ്യ
വംശോദ്ഭടാലയ ഹരേഽഖിലലോകനാഥ ।
ശ്രീവാസുദേവ മധുസൂദന വിശ്വനാഥ
വിശ്വേശ ഗോകുലപതേ മമ ദേഹി ദാസ്യം ॥ 3॥
രാസോത്സവപ്രിയ ബലാനുജ സത്ത്വരാശേ
ഭക്താനുകമ്പിതഭവാര്‍തിഹരാധിനാഥ ।
വിജ്ഞാനധാമ ഗുണധാമ കിശോരമൃര്‍തേ
സര്‍വേശ മങ്ഗലതനോ മമ ദേഹി ദാസ്യം ॥ 4॥
സദ്ധര്‍മപാല ഗരുഡാസന യാദവേന്ദ്ര
ബ്രഹ്മണ്യദേവ യദുനന്ദന ഭക്തിദാന
സങ്കര്‍ഷണപ്രിയ കൃപാലയ ദേവ വിഷ്ണോ
സത്യപ്രതിജ്ഞ ഭഗവന്‍ മമ ദേഹി ദാസ്യം ॥ 5॥
ഗോപീജനപ്രിയതമ ക്രിയയൈകലഭ്യ
രാധാവരപ്രിയ വരേണ്യ ശരണ്യനാഥാ ।
ആശ്ചര്യബാല വരദേശ്വര പൂര്‍ണകാമ
വിദ്വത്തമാശ്രയ വിഭോ മമ ദേഹി ദാസ്യം ॥ 6॥
കന്ദര്‍പകോടിമദഹാരണ തീര്‍ഥകീര്‍ത്തേ
വിശ്വൈകവന്ദ്യ കരുണാര്‍ണവതീര്‍ഥപാദ ।
സര്‍വജ്ഞ സര്‍വവരദാശ്രയകല്‍പവൃക്ഷ
നാരായണാഖിലഗുരോ മമ ദേഹി ദാസ്യം ॥ 7॥
വൃന്ദാവനേശ്വര മുകുന്ദ മനോജ്ഞവേഷ
വംശീവിഭൂഷിതകരാംബുജ പദ്മനേത്ര ।
വിശ്വേശ കേശവ വ്രജോത്സവ ഭക്തിവശ്യ
ദേവേശ പാണ്ഡവപതേ മമ ദേഹി ദാസ്യം ॥ 8॥
ശ്രീകൃഷ്ണസ്തവരത്നമഷ്ടകമിദം സര്‍വാര്‍ഥദം ശൃണ്വതാം
ഭക്താനാം ച പ്രിയം ഹരേശ്ച നിതരാം യോ വൈ പഠേത്പാവനം ।
തസ്യാസൌ വ്രജരാജസൂനുരതുലാം ഭക്തിം സ്വപാദാംബുജേ
സത്സേവ്യേ പ്രദദാതി ഗോകുലപതിഃ ശ്രീരാധികാവല്ലഭഃ ॥ 9॥
॥ ഇതി ശ്രീമദ്വല്ലഭാചാര്യവിരചിതം ശ്രീകൃഷ്ണാഷ്ടകം സമ്പൂര്‍ണം ॥
