ಶ್ರೀಕೃಷ್ಣಾಷ್ಟಕಮ್ 9 Lyrics in Kannada:
ತ್ರಿಭುವನಾಲಿಸರೋಜಸರೋವರಂ ಪರಮಮೋದಪಯಃಸುಪಯೋನಿಧಿಮ್ ।
ವಿಮಲಯೋಗಿಮನೋಽಲಿಕುಶೇಶಯಂ ಯದುಕುಲೈಕಮಣಿನ್ತಮಹಮ್ಭಜೇ ॥ 1॥
ಜಲಜಪೀಠಮುಖಾಮರದೇಶಿಕಂ ಭವವಿರಿಂಚಿಸುರೇನ್ದ್ರಕೃತಸ್ತವಮ್ ।
ನಿಖಿಲಕಾಮಿತಶೀಕರತೋಯದಂ ಯದುಕುಲೈಕಮಣಿನ್ತಮಹಮ್ಭಜೇ ॥ 2॥
ಅದಿತಿಜಾಮ್ಬುಜಪುಂಜದಿವಾಕರಂ ದಿತಿಜಕಂಜತುಷಾರಜವೋಪಮಮ್ ।
ವಿಗತಮೋಹಮಜಂಜನನಾನ್ತಕಂ ಯದುಕುಲೈಕಮಣಿನ್ತಮಹಮ್ಭಜೇ ॥ 3॥
ತ್ರಿಜಗದಮ್ಬುರುಹೋದಿತಭಾಸ್ಕರಂ ಸಕಲಸತ್ತ್ವಹೃದಬ್ಜಕೃತಾಲಯಮ್ ।
ಸ್ವಜನಮೋಹಮಹಾರ್ಣವಪೋತಕಂ ಯದುಕುಲೈಕಮಣಿನ್ತಮಹಮ್ಭಜೇ ॥ 4॥
ಶ್ರುತಿಮಯೋಜ್ಜ್ವಲಕೌಸ್ತುಭಮಾಲಿಕಂ ರವಮುಕಭೂತಮಯಾಸ್ತ್ರಚತುಷ್ಟಯಮ್ ।
ಸಭುವನಾಂಡಕದಮ್ಬಕಮೇಖಲಂ ಯದುಕುಲೈಕಮಣಿನ್ತಮಹಮ್ಭಜೇ ॥ 5॥
ದಿನಕರಾದಿವಿಭಾಸಕಭಾಸಕಂ ಶ್ರುತಿಮುಖಾಕ್ಷಗಣಾಕ್ಷಮನಕ್ಷಕಮ್ ।
ಜ್ವಲನಮಾರುತಶ್ಕ್ರಮದಾಪಹಂ ಯದುಕುಲೈಕಮಣಿನ್ತಮಹಮ್ಭಜೇ ॥ 6॥
ಜಲಧಿಜಾನನಕಂಜಮಧುವ್ರತಂ ರುಚಿರರೂಪವಿಕೃಷ್ಟವರಾಂಗನಮ್ ।
ಯತಿವರಾದರಗೀತಚರಿತ್ರಕಂ ಯದುಕುಲೈಕಮಣಿನ್ತಮಹಮ್ಭಜೇ ॥ 7॥
ಕ್ರತುಪತಿಂಕುಪತಿಂಜಗತಾಮ್ಪತಿಂ ಪತಿಪತಿಂವಿಪತಿಂಕಮಲಾಪತಿಮ್ ।
ಫಣಿಪತಿಂಗಜಗೋಕುಲಗೋಪತಿಂ ಯದುಕುಲೈಕಮಣಿನ್ತಮಹಮ್ಭಜೇ ॥ 8॥
ಯದುಪತೇರಿದಮಷ್ಟಕಮದ್ಭುತಂ ವೃಜಿನಶುಷ್ಕವನೋಗ್ರದವಾನಲಮ್ ।
ಪಠತಿಯಸ್ತುಸಮಾಹಿತಚೇತಸಾ ಸಲಭತೇಽಖಿಲಯೋಗಫಲನ್ದ್ರುತಮ್ ॥ 9॥
॥ ಇತಿ ಶ್ರೀಸ್ವಾಮಿಬ್ರಹ್ಮಾನನ್ದವಿರಚಿತಂ ಶ್ರೀಕೃಷ್ಣಾಷ್ಟಕಂ ಸಮ್ಪೂರ್ಣಮ್ ॥
(ದ್ರುತವಿಲಮ್ಬಿತಂ ವೃತ್ತಂ)
ಸಮಾನಾರ್ಥೀ ಶಬ್ದಾಃ
ಜ – ಬ್ರಹ್ಮಾ, ಯತಿವರ – ಶುಕಾದಯಃ, ಕು – ಪೃಥಿವೀ, ವಿಗತಃ ಪತಿರ್ಯಸ್ಮಾತ್,
ವಿಪತಿಂ – ಗರುಡಾಸ್ಯವಾ, ಫಣಿಪತೀ – ಶೇಷಃ, ಗಜ – ಗಜೇನ್ದ್ರಃ
