ଶ୍ରୀକୃଷ୍ଣାଷ୍ଟକମ୍ 9 Lyrics in Oriya:
ତ୍ରିଭୁଵନାଲିସରୋଜସରୋଵରଂ ପରମମୋଦପୟଃସୁପୟୋନିଧିମ୍ ।
ଵିମଲୟୋଗିମନୋଽଲିକୁଶେଶୟଂ ୟଦୁକୁଲୈକମଣିନ୍ତମହମ୍ଭଜେ ॥ ୧॥
ଜଲଜପୀଠମୁଖାମରଦେଶିକଂ ଭଵଵିରିଞ୍ଚିସୁରେନ୍ଦ୍ରକୃତସ୍ତଵମ୍ ।
ନିଖିଲକାମିତଶୀକରତୋୟଦଂ ୟଦୁକୁଲୈକମଣିନ୍ତମହମ୍ଭଜେ ॥ ୨॥
ଅଦିତିଜାମ୍ବୁଜପୁଞ୍ଜଦିଵାକରଂ ଦିତିଜକଞ୍ଜତୁଷାରଜଵୋପମମ୍ ।
ଵିଗତମୋହମଜଞ୍ଜନନାନ୍ତକଂ ୟଦୁକୁଲୈକମଣିନ୍ତମହମ୍ଭଜେ ॥ ୩॥
ତ୍ରିଜଗଦମ୍ବୁରୁହୋଦିତଭାସ୍କରଂ ସକଲସତ୍ତ୍ଵହୃଦବ୍ଜକୃତାଲୟମ୍ ।
ସ୍ଵଜନମୋହମହାର୍ଣଵପୋତକଂ ୟଦୁକୁଲୈକମଣିନ୍ତମହମ୍ଭଜେ ॥ ୪॥
ଶ୍ରୁତିମୟୋଜ୍ଜ୍ଵଲକୌସ୍ତୁଭମାଲିକଂ ରଵମୁକଭୂତମୟାସ୍ତ୍ରଚତୁଷ୍ଟୟମ୍ ।
ସଭୁଵନାଣ୍ଡକଦମ୍ବକମେଖଲଂ ୟଦୁକୁଲୈକମଣିନ୍ତମହମ୍ଭଜେ ॥ ୫॥
ଦିନକରାଦିଵିଭାସକଭାସକଂ ଶ୍ରୁତିମୁଖାକ୍ଷଗଣାକ୍ଷମନକ୍ଷକମ୍ ।
ଜ୍ଵଲନମାରୁତଶ୍କ୍ରମଦାପହଂ ୟଦୁକୁଲୈକମଣିନ୍ତମହମ୍ଭଜେ ॥ ୬॥
ଜଲଧିଜାନନକଞ୍ଜମଧୁଵ୍ରତଂ ରୁଚିରରୂପଵିକୃଷ୍ଟଵରାଙ୍ଗନମ୍ ।
ୟତିଵରାଦରଗୀତଚରିତ୍ରକଂ ୟଦୁକୁଲୈକମଣିନ୍ତମହମ୍ଭଜେ ॥ ୭॥
କ୍ରତୁପତିଙ୍କୁପତିଞ୍ଜଗତାମ୍ପତିଂ ପତିପତିଂଵିପତିଙ୍କମଲାପତିମ୍ ।
ଫଣିପତିଙ୍ଗଜଗୋକୁଲଗୋପତିଂ ୟଦୁକୁଲୈକମଣିନ୍ତମହମ୍ଭଜେ ॥ ୮॥
ୟଦୁପତେରିଦମଷ୍ଟକମଦ୍ଭୁତଂ ଵୃଜିନଶୁଷ୍କଵନୋଗ୍ରଦଵାନଲମ୍ ।
ପଠତିୟସ୍ତୁସମାହିତଚେତସା ସଲଭତେଽଖିଲୟୋଗଫଲନ୍ଦ୍ରୁତମ୍ ॥ ୯॥
॥ ଇତି ଶ୍ରୀସ୍ଵାମିବ୍ରହ୍ମାନନ୍ଦଵିରଚିତଂ ଶ୍ରୀକୃଷ୍ଣାଷ୍ଟକଂ ସମ୍ପୂର୍ଣମ୍ ॥
(ଦ୍ରୁତଵିଲମ୍ବିତଂ ଵୃତ୍ତଂ)
ସମାନାର୍ଥୀ ଶବ୍ଦାଃ
ଜ – ବ୍ରହ୍ମା, ୟତିଵର – ଶୁକାଦୟଃ, କୁ – ପୃଥିଵୀ, ଵିଗତଃ ପତିର୍ୟସ୍ମାତ୍,
ଵିପତିଂ – ଗରୁଡାସ୍ୟଵା, ଫଣିପତୀ – ଶେଷଃ, ଗଜ – ଗଜେନ୍ଦ୍ରଃ
