Lalitoktatotaka Ashtakam Lyrics in Oriya:
ଶ୍ରୀଲଲିତୋକ୍ତତୋଟକାଷ୍ଟକମ୍
ନୟନେରିତମାନସଭୂଵିଶିଖଃ
ଶିରସି ପ୍ରଚଲପ୍ରଚଲାକଶିଖଃ ।
ମୁରଲୀଧ୍ଵନିଭିଃ ସୁରଭୀସ୍ତ୍ଵରୟନ୍
ପଶୁପୀଵିରହଵ୍ୟସନଂ ତିରୟନ୍ ॥ ୧॥
ପରିତୋ ଜନନୀପରିତୋଷକରଃ
ସଖି ଲମ୍ପଟୟନ୍ନଖିଲଂ ଭୁଵନମ୍ ।
ତରୁଣୀହୃଦୟଂ କରୁଣୀ ଵିଦଧତ୍
ତରଲଂ ସରଲେ କରଲମ୍ବିଗୁଣଃ ॥ ୨॥
ଦିଵସୋପରମେ ପରମୋଲ୍ଲସିତଃ
କଲଶସ୍ତନି ହେ ଵିଲସଦ୍ଧସିତଃ ।
ଅତସୀକୁସୁମଂ ଵିହସନ୍ମହସା
ହରିଣୀକୁଲମାକୁଲୟନ୍ ସହସା ॥ ୩॥
ପ୍ରଣୟିପ୍ରଵଣଃ ସୁଭଗଶ୍ରଵଣ
ପ୍ରଚଲନ୍ମକରଃ ସସଖିପ୍ରକରଃ ।
ମଦୟନ୍ନମରୀର୍ଭ୍ରମୟନ୍ ଭ୍ରମରୀ
ମିଲିତଃ କତିଭିଃ ଶିଖିନାଂ ତାତଭିଃ ॥ ୪॥
ଅୟମୁଜ୍ଜ୍ଵଲୟନ୍ ଵ୍ରଜଭୂସରଣୀଂ
ରମୟନ୍ କ୍ରମଣୈର୍ମୃଦୁଭିର୍ଧରଣୀମ୍ ।
ଅଜିରେ ମିଲିତଃ କଲିତପ୍ରମଦେ
ହରିରୁଦ୍ଵିଜସେ ତଦପି ପ୍ରମଦେ ॥ ୫॥
ଵଦ ମା ପରୁଷଂ ହୃଦୟେ ନ ରୁଷଂ
ରଚୟ ତ୍ଵମତଶ୍ଚଲ ଵିଭ୍ରମତଃ ।
ଉଦିତେ ମିହିକାକିରଣେ ନ ହି କା
ରଭସାଦୟି ତଂ ଭଜତେ ଦୟିତମ୍ ॥ ୬॥
କଲୟ ତ୍ଵରୟା ଵିଲସତ୍ସିଚୟଃ
ପ୍ରସରତ୍ୟଭିତୋ ୟୁଵତୀନିଚୟଃ ।
ନିଦଧାତି ହରିର୍ନୟନଂ ସରଣୌ
ତଵ ଵିକ୍ଷିପ ସପ୍ରଣୟଂ ଚରଣୌ ॥ ୭॥
ଇତି ତାମୁପଦିଶ୍ୟ ତଦା ସ୍ଵସଖୀଂ
ଲଲିତା କିଲ ମାନିତୟା ଵିମୁଖୀମ୍ ।
ଅନୟତ୍ ପ୍ରସଭାଦିଵ ୟଂ ଜଵତଃ
କୁରୁତାତ୍ ସ ହରିର୍ଭଵିକଂ ଭଵତଃ ॥ ୮॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀଲଲିତୋକ୍ତତୋଟକାଷ୍ଟକଂ ସମ୍ପୂର୍ଣମ୍ ।
