ശ്രീമുകുന്ദാഷ്ടകം Lyrics in Malayalam:
ശ്രീമുകുന്ദായ നമഃ ।
ബലഭിദുപലകാന്തിദ്രോഹിണി ശ്രീമദങ്ഗേ
ഘുസൃണരസവിലാസൈഃ സുഷ്ഠു ഗാന്ധര്‍വികായാഃ ।
സ്വമദനനൃപശോഭാം വര്‍ധയന്‍ ദേഹരാജ്യേ
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 1॥
ഉദിതവിധുപരാര്‍ധജ്യോതിരുല്ലങ്ഘിവക്ത്രോ
നവതരുണിമരജ്യദ്ബാല്യശേഷാതിരംയഃ ।
പരിഷദി ലലിതാലീം ദോലയന്‍ കുണ്ഡലാഭ്യാം
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 2॥
കനകനിവഹശോഭാനന്ദി പീതം നിതംബേ
തദുപരി നവരക്തം വസ്ത്രമിത്ഥം ദധാനഃ ।
പ്രിയമിവ കില വര്‍ണം രാഗയുക്തം പ്രിയായാഃ
പ്രണയതു മമ നേത്രാഭീഷ്ടപൂര്‍തിം മുകുന്ദഃ ॥ 3॥
സുരഭികുസുമവൃന്ധൈര്‍വാസിതാംഭഃസമൃദ്ധേ
പ്രിയസരസി നിദാഘേ സായമാലീപരീതാം ।
മദനജനകസേകൈഃ ഖേലയന്ന്‍ ഏവ രാധാം
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 4॥
പരമലമിഹ ലബ്ധ്വാ ഹന്ത ഗാന്ധര്‍വികായാഃ
പുലകിതതനുരുച്ചൈരുന്‍മദസ്തത്ക്ഷണേന ।
നിഖിലവിപിനദേശാന്‍ വാസിതാന്‍ ഏവ ജിഘ്രന്‍
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 5॥
പ്രണിഹിതഭുജദണ്ഡഃ സ്കന്ധദേശേ വരാങ്ഗ്യാഃ
സ്മിതവികസിതഗണ്ഡേ കീര്‍തിദാകന്യകായാഃ ।
മനസിജജനിസൌഖ്യം ചുംബനേനൈവ തന്വന്‍
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 6॥
പ്രമദദനുജഗോഷ്ഠ്യാഃ കോഽപി സംവര്‍തവഹ്നി-
ര്‍വ്രജഭുവി കില പിത്രോര്‍മൂര്‍തിമാന്‍ സ്നേഹപുഞ്ജഃ ।
പ്രഥമരസമഹേന്ദ്രഃ ശ്യാമലോ രാധികായാഃ
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 7॥
സ്വകദനകഥയാങ്ഗീകൃത്യ മൃദ്വീം വിശാഖാം
കൃതചടു ലലിതാം തു പ്രാര്‍ഥന്‍ പ്രൌഢശീലാം ।
പ്രണയവിധുരരാധാമാനവിധ്വംസനായ
പ്രണയതു മമ നേത്രാഭീഷ്ടസിദ്ധിം മുകുന്ദഃ ॥ 8॥
പരിപഠതി മുകുന്ദസ്യാഷ്ടകം കാകുഭിര്യഃ
സകലവിഷയസങ്ഗാത് സന്നിയംയേന്ദ്രിയാണി ।
വ്രജനവയുവരാജോ ദര്‍ശയന്‍ സ്വം സരാധേ
സ്വജനഗണനമധ്യേ തം പ്രിയായാസ്തനോതി ॥ 9॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീമുകുന്ദാഷ്ടകം സമാപ്തം ।
