ଶ୍ରୀମୁକୁନ୍ଦାଷ୍ଟକମ୍ Lyrics in Oriya:
ଶ୍ରୀମୁକୁନ୍ଦାୟ ନମଃ ।
ବଲଭିଦୁପଲକାନ୍ତିଦ୍ରୋହିଣି ଶ୍ରୀମଦଙ୍ଗେ
ଘୁସୃଣରସଵିଲାସୈଃ ସୁଷ୍ଠୁ ଗାନ୍ଧର୍ଵିକାୟାଃ ।
ସ୍ଵମଦନନୃପଶୋଭାଂ ଵର୍ଧୟନ୍ ଦେହରାଜ୍ୟେ
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୧॥
ଉଦିତଵିଧୁପରାର୍ଧଜ୍ୟୋତିରୁଲ୍ଲଙ୍ଘିଵକ୍ତ୍ରୋ
ନଵତରୁଣିମରଜ୍ୟଦ୍ବାଲ୍ୟଶେଷାତିରମ୍ୟଃ ।
ପରିଷଦି ଲଲିତାଲୀଂ ଦୋଲୟନ୍ କୁଣ୍ଡଲାଭ୍ୟାଂ
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୨॥
କନକନିଵହଶୋଭାନନ୍ଦି ପୀତଂ ନିତମ୍ବେ
ତଦୁପରି ନଵରକ୍ତଂ ଵସ୍ତ୍ରମିତ୍ଥଂ ଦଧାନଃ ।
ପ୍ରିୟମିଵ କିଲ ଵର୍ଣଂ ରାଗୟୁକ୍ତଂ ପ୍ରିୟାୟାଃ
ପ୍ରଣୟତୁ ମମ ନେତ୍ରାଭୀଷ୍ଟପୂର୍ତିଂ ମୁକୁନ୍ଦଃ ॥ ୩॥
ସୁରଭିକୁସୁମଵୃନ୍ଧୈର୍ଵାସିତାମ୍ଭଃସମୃଦ୍ଧେ
ପ୍ରିୟସରସି ନିଦାଘେ ସାୟମାଲୀପରୀତାମ୍ ।
ମଦନଜନକସେକୈଃ ଖେଲୟନ୍ନ୍ ଏଵ ରାଧାଂ
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୪॥
ପରମଲମିହ ଲବ୍ଧ୍ଵା ହନ୍ତ ଗାନ୍ଧର୍ଵିକାୟାଃ
ପୁଲକିତତନୁରୁଚ୍ଚୈରୁନ୍ମଦସ୍ତତ୍କ୍ଷଣେନ ।
ନିଖିଲଵିପିନଦେଶାନ୍ ଵାସିତାନ୍ ଏଵ ଜିଘ୍ରନ୍
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୫॥
ପ୍ରଣିହିତଭୁଜଦଣ୍ଡଃ ସ୍କନ୍ଧଦେଶେ ଵରାଙ୍ଗ୍ୟାଃ
ସ୍ମିତଵିକସିତଗଣ୍ଡେ କୀର୍ତିଦାକନ୍ୟକାୟାଃ ।
ମନସିଜଜନିସୌଖ୍ୟଂ ଚୁମ୍ବନେନୈଵ ତନ୍ଵନ୍
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୬॥
ପ୍ରମଦଦନୁଜଗୋଷ୍ଠ୍ୟାଃ କୋଽପି ସଂଵର୍ତଵହ୍ନି-
ର୍ଵ୍ରଜଭୁଵି କିଲ ପିତ୍ରୋର୍ମୂର୍ତିମାନ୍ ସ୍ନେହପୁଞ୍ଜଃ ।
ପ୍ରଥମରସମହେନ୍ଦ୍ରଃ ଶ୍ୟାମଲୋ ରାଧିକାୟାଃ
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୭॥
ସ୍ଵକଦନକଥୟାଙ୍ଗୀକୃତ୍ୟ ମୃଦ୍ଵୀଂ ଵିଶାଖାଂ
କୃତଚଟୁ ଲଲିତାଂ ତୁ ପ୍ରାର୍ଥନ୍ ପ୍ରୌଢଶୀଲାମ୍ ।
ପ୍ରଣୟଵିଧୁରରାଧାମାନଵିଧ୍ଵଂସନାୟ
ପ୍ରଣୟତୁ ମମ ନେତ୍ରାଭୀଷ୍ଟସିଦ୍ଧିଂ ମୁକୁନ୍ଦଃ ॥ ୮॥
ପରିପଠତି ମୁକୁନ୍ଦସ୍ୟାଷ୍ଟକଂ କାକୁଭିର୍ୟଃ
ସକଲଵିଷୟସଙ୍ଗାତ୍ ସନ୍ନିୟମ୍ୟେନ୍ଦ୍ରିୟାଣି ।
ଵ୍ରଜନଵୟୁଵରାଜୋ ଦର୍ଶୟନ୍ ସ୍ଵଂ ସରାଧେ
ସ୍ଵଜନଗଣନମଧ୍ୟେ ତଂ ପ୍ରିୟାୟାସ୍ତନୋତି ॥ ୯॥
ଇତି ଶ୍ରୀରୂପଗୋସ୍ଵାମିଵିରଚିତସ୍ତଵମାଲାୟାଂ ଶ୍ରୀମୁକୁନ୍ଦାଷ୍ଟକଂ ସମାପ୍ତମ୍ ।
