ശ്രീനരസിംഹഭാരതീപാദാഷ്ടകം Lyrics in Malayalam:
ശ്രീകീര്‍തിപ്രതിഭാനാം ഭവനം ഭവിതാ യദീയപദനത്യാ
താന്ദാസീകൃതഭൂപാന്വന്ദേ നരസിംഹഭാരതീപാദാന്‍ ॥ 1॥
ചിത്രം യന്‍മുഖചന്ദ്രാലോകാദ്വികസന്തി ചിത്തപദ്മാനി ।
ശിഷ്യാണാമനിശം താന്വന്ദേ നരസിംഹഭാരതീപാദാന്‍ ॥ 2॥
സരസാന്‍കവിതാസാരാന്വര്‍ഷത്യാസ്യേഷു നംരജനതായാഃ ।
യദപാങ്ഗവാരിദസ്താന്വന്ദേ നരസിംഹഭാരതീപാദാന്‍ ॥ 3॥
ഏനഃപര്‍വതഭേദേ ശതകോടിധുരം ദധാതി യദ്ഭക്തിഃ ।
പാപാബ്ധിബാഡവാംസ്താന്വന്ദേ നരസിംഹഭാരതീപാദാന്‍ ॥ 4॥
യദ്വാക്ശ്രുതിര്‍നരാണാം ഭവസാഗരതാരണേ നൌകാ ।
ശീലിതനിഗമാന്താംസ്താന്വന്ദേ നരസിംഹഭാരതീപാദാന്‍ ॥ 5॥
ത്രാസിതകാമഗജേന്ദ്രാന്‍സ്വവചശ്ചാതുര്യതോഷിതാര്യജനാന്‍ ।
ക്രോധാഹിവൈനതേയാന്വന്ദേ നരസിംഹഭാരതീപാദാന്‍ ॥ 6॥
വിതരണധിക്കൃതകര്‍ണാന്‍ക്ഷമയാ നിര്‍ധൂതമേദിനീഗര്‍വാന്‍ ।
വിരതിവിധൂതാര്യശുകാന്വന്ദേ നരസിംഹഭാരതീപാദാന്‍ ॥ 7॥
യത്പാദാംബുജഭക്തിസ്തത്ത്വപ്രാസാദഗമനനിഃശ്രേണീ ।
താന്നതസുഖാബ്ധിചന്ദ്രാന്വന്ദേ നരസിംഹഭാരതീപാദാന്‍ ॥ 8॥
ഭൂഷിതവിഭാണ്ഡകാത്മജജനിഭൂമീന്‍കീര്‍തിരാജിതദിഗന്താന്‍ ।
വിശ്വോത്തംസിതപാദാന്വന്ദേ നരസിംഹഭാരതീപാദാന്‍ ॥ 9॥
സ്തുതിമേനാം ഗുരുകൃപയാ രചിതാമവനാവഹര്‍നിശം പഠതാം ।
കരുണാനീരധയഃ സ്യുര്‍ഹൃഷ്ടാ നരസിംഹഭാരതീപാദാഃ ॥ 10॥
ഇതി ശൃങ്ഗേരി ശ്രീജഗദ്ഗുരു ശ്രീസച്ചിദാനന്ദശിവാഭിനവനൃസിംഹ-
ഭാരതീസ്വാമിഭിഃ വിരചിതം ശ്രീനരസിംഹഭാരതീപാദാഷ്ടകം സമ്പൂര്‍ണം ।
