Ashtaka

Shri Navanita Priya Ashtakam Lyrics in Oriya | ଶ୍ରୀନଵନୀତପ୍ରିୟାଷ୍ଟକମ୍

ଶ୍ରୀନଵନୀତପ୍ରିୟାଷ୍ଟକମ୍ Lyrics in Oriya:

ଅଲକାଵୃତଲସଦଲିକେ ଵିରଚିତକସ୍ତୂରିକାତିଲକେ ।
ଚପଲୟଶୋଦାବାଲେ ଶୋଭିତଭାଲେ ମତିର୍ମେଽସ୍ତୁ ॥ ୧॥

ମୁଖରିତନୂପୁରଚରଣେ କଟିବଦ୍ଧକ୍ଷୁଦ୍ରଘଣ୍ଟିକାଵରଣେ ।
ଦ୍ଵୀପିକରଜକୃତଭୂଷଣଭୂଷିତହୃଦୟେ ମତିର୍ମେଽସ୍ତୁ ॥ ୨॥

କରଧୃତନଵନଵନୀତେ ହିତକୃତଜନନୀଵିଭୀଷିକାଭିତେ ।
ରତିମୁଦ୍ଵହତାଚ୍ଚେତୋ ଗୋପୀଭିର୍ଵଶ୍ୟତାଂ ନୀତେ ॥ ୩॥

ବାଲଦଶାମତିମୁଗ୍ଧେ ଚୋରିତଦୁଗ୍ଧେ ଵ୍ରଜାଙ୍ଗନାଭଵନାତ୍ ।
ତଦୁପାଲମ୍ଭଵଚୋଭୟଵିଭ୍ରମନୟନେ ମତିର୍ମେଽସ୍ତୁ ॥ ୪॥

ଵ୍ରଜକର୍ଦମଲିପ୍ତାଙ୍ଗେ ସ୍ଵରୂପସୁଷମାଜିତାନଙ୍ଗେ ।
କୃତନନ୍ଦାଙ୍ଗଣରିଙ୍ଗଣ ଵିଵିଧଵିହାରେ ମତିର୍ମେଽସ୍ତୁ ॥ ୫॥

କରଵରଧୃତଲଘୁଲକୁଟେ ଵିଚିତ୍ରମାୟୂରଚନ୍ଦ୍ରିକାମୁକୁଟେ ।
ନାସାଗତମୁକ୍ତାମଣିଜଟିତଵିଭୂଷେ ମତିର୍ମେଽସ୍ତୁ ॥ ୬॥

ଅଭିନନ୍ଦନକୃତନୃତ୍ୟେ ଵିରଚିତନିଜଗୋପିକାକୃତ୍ୟେ ।
ଆନନ୍ଦିତନିଜଭୃତ୍ୟେ ପ୍ରହସନମୁଦିତେ ମତିର୍ମେଽସ୍ତୁ ॥ ୭॥

କାମାଦପି କମନୀୟେ ନମନୀୟେ ବ୍ରହ୍ମରୁଦ୍ରାଦ୍ୟୈଃ ।
ନିଃସାଧଵଭଜନୀୟେ ଭାଵତନୌ ମେ ମତିର୍ଭୂୟାତ୍ ॥ ୮॥

ଇତି ଶ୍ରୀହରିଦାସଵିରଚିତଂ ଶ୍ରୀନଵନୀତପ୍ରିୟାଷ୍ଟକଂ ସମ୍ପୂର୍ଣମ୍ ॥

Add Comment

Click here to post a comment