ಶ್ರೀನೃಸಿಂಹಾಷ್ಟಕಮ್ 3 Lyrics in Kannada:
ಧ್ಯಾಯಾಮಿ ನಾರಸಿಂಹಾಖ್ಯಂ ಬ್ರಹ್ಮವೇದಾನ್ತಗೋಚರಮ್ ।
ಭವಾಬ್ಧಿತರಣೋಪಾಯಂ ಶಂಖಚಕ್ರಧರಂ ಪದಮ್ ॥
ನೀಲಾಂ ರಮಾಂ ಚ ಪರಿಭೂಯ ಕೃಪಾರಸೇನ
ಸ್ತಮ್ಭಂ ಸ್ವಶಕ್ತಿಮನಘಾಂ ವಿನಿಧಾಯ ದೇವೀಮ್ ।
ಪ್ರಹ್ಲಾದರಕ್ಷಣವಿಧಾಯವತೀ ಕೃಪಾ ತೇ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 1॥
ಇನ್ದ್ರಾದಿದೇವನಿಕರಸ್ಯ ಕಿರೀಟಕೋಟಿ
ಪ್ರತ್ಯುಪ್ತರತ್ನಪ್ರತಿಬಿಮ್ಬಿತಪಾದಪದ್ಮ ।
ಕಲ್ಪಾನ್ತಕಾಲಘನಗರ್ಜನತುಲ್ಯನಾದ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 2॥
ಪ್ರಹ್ಲಾದ ಈಡ್ಯ ಪ್ರಲಯಾರ್ಕಸಮಾನವಕ್ತ್ರ
ಹುಂಕಾರನಿರ್ಜಿತನಿಶಾಚರವೃನ್ದನಾಥ ।
ಶ್ರೀನಾರದಾದಿಮುನಿಸಂಘಸುಗೀಯಮಾನ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 3॥
ರಾತ್ರಿಂಚರಾದ್ರಿಜಠರಾತ್ಪರಿಸ್ರಂಸ್ಯಮಾನಂ
ರಕ್ತಂ ನಿಪೀಯ ಪರಿಕಲ್ಪಿತಸಾನ್ತ್ರಮಾಲ ।
ವಿದ್ರಾವಿತಾಖಿಲಾಸುರೋಗ್ರನೃಸಿಂಹರೂಪ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 4॥
ಯೋಗೀನ್ದ್ರ ಯೋಗಪರೀರಕ್ಷಕ ದೇವದೇವ
ದೀನಾರ್ತಿಹರಿ ವಿಭವಾಗಮಗೀಯಮಾನ ।
ಮಾಂ ವೀಕ್ಷ್ಯ ದೀನಮಶರಣ್ಯಮಗಣ್ಯಶೀಲ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 5॥
ಪ್ರಹ್ಲಾದಶೋಕವಿನಿವಾರಣ ಭದ್ರಸಿಂಹ
ನಕ್ತಂಚರೇನ್ದ್ರ ಮದಖಂಡನ ವೀರಸಿಂಹ ।
ಇನ್ದ್ರಾದಿದೇವಜನಸನ್ನುತಪಾದಪದ್ಮ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 6॥
ತಾಪತ್ರಯಾಬ್ಧಿಪರಿಶೋಷಣಬಾಡವಾಗ್ನೇ
ತಾರಾಧಿಪಪ್ರತಿನಿಭಾನನ ದಾನವಾರೇ ।
ಶ್ರೀರಾಜರಾಜವರದಾಖಿಲಲೋಕನಾಥ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 7॥
ಜ್ಞಾನೇನ ಕೇಚಿದವಲಮ್ಬ್ಯ ಪದಾಂಬುಜಂ ತೇ
ಕೇಚಿತ್ಸುಕರ್ಮನಿಕರೇಣ ಪರೇ ಚ ಭಕ್ತ್ಯಾ ।
ಮುಕ್ತಿಂ ಗತಾಃ ಖಲು ಜನಾ ಕೃಪಯಾ ಮುರಾರೇ
ಶ್ರೀನಾರಸಿಂಹ ಪರಿಪಾಲಯ ಮಾಂ ಚ ಭಕ್ತಮ್ ॥ 8॥
ನಮಸ್ತೇ ನಾರಸಿಂಹಾಯ ನಮಸ್ತೇ ಮಧುವೈರಿಣೇ ।
ನಮಸ್ತೇ ಪದ್ಮನೇತ್ರಾಯ ನಮಸ್ತೇ ದುಃಖಹಾರಿಣೇ ॥
ಇತಿ ಶ್ರೀನೃಸಿಂಹಾಷ್ಟಕಂ ಸಮ್ಪೂರ್ಣಮ್ ।
