Ashtaka

Shri Parvatyashtakam Lyrics in Malayalam | ശ്രീപാര്‍വത്യഷ്ടകം

ശ്രീപാര്‍വത്യഷ്ടകം Lyrics in Malayalam:

ഓം ശ്രീഗണേശായ നമഃ ।

മഹാരജതചേലയാ മഹിതമല്ലികാമാലയാ
തുലാരഹിതഫാലയാ തുലിതവാരിഭൃജ്ജാലയാ ।
ശിവാഭിമതശീലയാ ശിശിരഭാനുചൂഡാലയാ
മഹീധ്രവരബാലയാ മമ ഹൃതം മനോ ലീലയാ ॥ 1॥

നമജ്ജനഭവാന്തയാ നലിനശോഭിനേത്രാന്തയാ
നിരീതികൃദുദന്തയാ നിജനിവാസവേദാന്തയാ ।
ലസച്ഛുകശകുന്തയാ ലലിതകുന്ദജിദ്ദന്തയാ
മനോ മമ ഹൃതം തയാ മനസിജാന്തകൃത്കാന്തയാ ॥ 2॥

സുര്‍വര്‍ണസുമനാസയാ സുരമഹീധരാവാസയാ
ശശാങ്കരുചിഹാസയാ ശരബിഷക്തബാണാസയാ ।
കൃപാകലിതദാസയാ കൃതജഗത്ത്രയോല്ലാസയാ
വിഭിന്നപുരശാസയാ വിവശിതോഽഹമത്രാസയാ ॥ 3॥

കചാലിജിതഭൃങ്ഗയാ കമലജിത്ത്വരാപാങ്ഗയാ
കുതൂഹലികുരങ്ഗയാ കുചയുഗേ മഹാതുങ്ഗയാ ।
കനദ്രുചിതരങ്ഗയാ കലിതവിദ്വിഷദ്ഭങ്ഗയാ
പ്രസക്തഹരസങ്ഗയാ പരവശോഽസ്മി വാമാങ്ഗയാ ॥ 4॥

വതംസിതകദംബയാ വദനലോഭിലോലംബയാ
കരാദൃതകലംബയാ ക്രമവിധൂതകാദംബയാ ।
പ്രണംരധൃതശംബയാ പ്രകടിതാഖിലലംബയാ
ഹൃതോഽസ്മി ജഗദംബയാ ഹൃതശശാങ്കഭൃദ്ബിംബയാ ॥ 5॥

ജനീലസദഹാര്യയാ ജനിമതാം മനോധാര്യയാ
സുരാരിവധകാര്യയാ സുകൃതിവൈദിതൌദാര്യയാ ।
പരിത്രയിവിചാര്യയാ പ്രിയകവൃക്ഷഭൂചര്യയാ
പ്രകാശിതഹൃദാര്യയാ പശുപതേരഹം ഭാര്യയാ ॥ 6॥

പ്രണംരസുരവര്‍ഗയാ പ്രകടിതാത്മഭൂസര്‍ഗയാ
സ്തുവാനമുനിഗര്‍ഗയാ സ്തുതികൃദര്‍പിതസ്വര്‍ഗയാ ।
ഹിമാദ്രികുലനിര്‍ഗയാ ഹിതതരത്നയീമാര്‍ഗയാ
മദാകുലിതഭര്‍ഗയാ മനസി മേ സ്ഥിതം ദുര്‍ഗയാ ॥ 7॥

പുരോ നടിതരംഭയാ പുരഹരേ സ്ഥിതാരംഭയാ
സമഗ്രകുചകുംഭയാ സകലവന്ദ്യവാഗ്ഗുംഭയാ ।
ശരാഹതനിശുംഭയാ ശമിതദുര്‍ജനോജ്ജൃംഭയാ
ഭവാംയഹമദംഭയാ പരവശോ ഗണേഡ്ഡിംഭയാ ॥ 8॥

ഇതി പാര്‍വത്യഷ്ടകം സമ്പൂര്‍ണം ॥

Add Comment

Click here to post a comment