Ashtaka

Shri Pavanaja Ashtakam Lyrics in Malayalam | ശ്രീപവനജാഷ്ടകം

ശ്രീപവനജാഷ്ടകം Lyrics in Malayalam:

ഭവഭയാപഹം ഭാരതീപതിം ഭജകസൌഖ്യദം ഭാനുദീധിതിം ।
ഭുവനസുന്ദരം ഭൂതിദം ഹരിം ഭജത സജ്ജനാ മാരുതാത്മജം ॥ 1॥

അമിതവിക്രമം ഹ്യഞ്ജനാസുതം ഭയവിനാശനം ത്വബ്ജലോചനം ।
അസുരഘാതിനം ഹ്യബ്ധിലങ്ഘിനം ഭജത സജ്ജനാ മാരുതാത്മജം ॥ 2॥

പരഭയങ്കരം പാണ്ഡുനന്ദനം പതിതപാവനം പാപഹാരിണം ।
പരമസുന്ദരം പങ്കജാനനം ഭജത സജ്ജനാ മാരുതാത്മജം ॥ 3॥

കലിവിനാശകം കൌരവാന്തകം കലുഷസംഹരം കാമിതപ്രദം ।
കുരുകുലോദ്ഭവം കുംഭിണീപതിം ഭജത സജ്ജനാ മാരുതാത്മജം ॥ 4॥

മതവിവര്‍ധനം മായിമര്‍ദനം മണിവിഭഞ്ജനം മധ്വനാമകം ।
മഹിതസന്‍മതിം മാനദായകം ഭജത സജ്ജനാ മാരുതാത്മജം ॥ 5॥

ദ്വിജകുലോദ്ഭവം ദിവ്യവിഗ്രഹം ദിതിജഹാരിണം ദീനരക്ഷകം ।
ദിനകരപ്രഭം ദിവ്യമാനസം ഭജത സജ്ജനാ മാരുതാത്മജം ॥ 6॥

കപികുലോദ്ഭവം കേസരീസുതം ഭരതപങ്കജം ഭീമനാമകം ।
വിബുധവന്ദിതം വിപ്രവംശജം ഭജത സജ്ജനാ മാരുതാത്മജം ॥ 7॥

പഠതി യഃ പുമാന്‍ പാപനാശകം പവനജാഷ്ടകം പുണ്യവര്‍ധനം ।
പരമസൌഖ്യദം ജ്ഞാനമുത്തമം ഭുവി സുനിര്‍മലം യാതി സമ്പദം ॥ 8॥