Templesinindiainfo

Best Spiritual Website

Shri Raghunatha Ashtakam Lyrics in Telugu | Sree Raghunathashtakam

Sri Raghunatha Ashtakam Text in Telugu :

॥ శ్రీరఘునాథాష్టకమ్ ॥

శ్రీ గణేశాయ నమః ।
శునాసీరాధీశైరవనితలజ్ఞప్తీడితగుణం
ప్రకృత్యాఽజం జాతం తపనకులచణ్డాంశుమపరమ్ ।
సితే వృద్ధిం తారాధిపతిమివ యన్తం నిజగృహే
ససీతం సానన్దం ప్రణత రఘునాథం సురనుతమ్ ॥ ౧॥

నిహన్తారం శైవం ధనురివ ఇవేక్షుం నృపగణే
పథి జ్యాకృష్టేన ప్రబలభృగువర్యస్య శమనమ్ ।
విహారం గార్హస్థ్యం తదను భజమానం సువిమలం
ససీతం సానన్దం ప్రణత రఘునాథం సురనుతమ్ ॥ ౨॥

గురోరాజ్ఞాం నీత్వా వనమనుగతం దారసహితం
ససౌమిత్రిం త్యక్త్వేప్సితమపి సురాణాం నృపసుఖమ్ ।
విరుపాద్రాక్షస్యాః ప్రియవిరహసన్తాపమనసం
ససీతం సానన్దం ప్రణత రఘునాథం సురనుతమ్ ॥ ౩॥

విరాధం స్వర్నీత్వా తదను చ కబన్ధం సురరిపుం
గతం పమ్పాతీరే పవనసుతసమ్మేలనసుఖమ్ ।
గతం కిష్కిన్ధాయాం విదితగుణసుగ్రీవసచివం
ససీతం సానన్దం ప్రణత రఘునాథం సురనుతమ్ ॥ ౪॥

ప్రియాప్రేక్షోత్కణ్ఠం జలనిధిగతం వానరయుతం
జలే సేతుం బద్ధ్వాఽసురకుల నిహన్తారమనఘమ్ ।
విశుద్ధామర్ధాఙ్గీం హుతభుజి సమీక్షన్తమచలం
ససీతం సానన్దం ప్రణత రఘునాథం సురనుతమ్ ॥ ౫॥

విమానం చారుహ్యాఽనుజజనకజాసేవితపద
మయోధ్యాయాం గత్వా నృపపదమవాప్తారమజరమ్ ।
సుయజ్ఞైస్తృప్తారం నిజముఖసురాన్ శాన్తమనసం
ససీతం సానన్దం ప్రణత రఘునాథం సురనుతమ్ ॥ ౬॥

ప్రజాం సంస్థాతారం విహితనిజధర్మే శ్రుతిపథం
సదాచారం వేదోదితమపి చ కర్తారమఖిలమ్ ।
నృషు ప్రేమోద్రేకం నిఖిలమనుజానాం హితకరం
సతీతం సానన్దం ప్రణత రఘునాథం సురనుతమ్ ॥ ౭॥

తమః కీర్త్యాశేషాః శ్రవణగదనాభ్యాం ద్విజముఖాస్తరిష్యన్తి
జ్ఞాత్వా జగతి ఖలు గన్తారమజనమ్ ॥

అతస్తాం సంస్థాప్య స్వపురమనునేతారమఖిలం
ససీతం సానన్దం ప్రణత రఘునాథం సురనుతమ్ ॥ ౮॥

రఘునాథాష్టకం హృద్యం రఘునాథేన నిర్మితమ్ ।
పఠతాం పాపరాశిఘ్నం భుక్తిముక్తిప్రదాయకమ్ ॥ ౯॥

॥ ఇతి పణ్డిత శ్రీశివదత్తమిశ్రశాస్త్రి విరచితం శ్రీరఘునాథాష్టకం సమ్పూర్ణమ్ ॥

Shri Raghunatha Ashtakam Lyrics in Telugu | Sree Raghunathashtakam

Leave a Reply

Your email address will not be published. Required fields are marked *

Scroll to top