Home / Ashtaka / Shri Ruchir Ashtakam 1 Lyrics in Malayalam | Ashtaka Stotram

Shri Ruchir Ashtakam 1 Lyrics in Malayalam | Ashtaka Stotram

Sri Ruchirashtakam 1 Lyrics in Malayalam:

ശ്രീരുചിരാഷ്ടകം 1

സര്‍വത്ര യഃ പ്രകടയന്‍ ഭുവി സദ്ഗുണാന്‍ സ്വാന്‍
ശ്രീവിഠ്ഠലോ ഹരിരിഹ സ്വയമേവ യോഽഭൂത് ।
തം നിത്യകാന്തമഥ സര്‍വഗുണൈകരൂപം
ശ്രീവല്ലഭപ്രഭുമഹം സതതം സ്മരാമി ॥ 1॥

രൂപാമൃതാനി നിജസേവിജനായ ദാതും
യഃ സന്ദധാര സ ഹി ലൌകികചാരുദേഹം ।
ആനന്ദമാത്രനിഖിലാവയവസ്വരൂപം
ഭൂയോ ഭജാമി സുഭഗം ഭുവി ഗോകുലേശം ॥ 2॥

പുഷ്പോചിതസ്മിതലസല്ലലനാലതാഭി-
രാലിങ്ഗിതം നിജജനേപ്സിതസത്ഫലാഢ്യം ।
ശൃങ്ഗാരകല്‍പതരുമത്ര കമപ്യനല്‍പം
ശ്രീഗോകുലോദിതമഹം സതതം ഭജാമി ॥ 3॥

യോഷിദ്ഭിരദ്ഭുതമശേഷഹൃഷീകപാത്രൈഃ
പേപീയമാനപരിപൂര്‍ണരസസ്വരൂപം ।
ബ്രഹ്മാദിദുര്ലഭമനന്യജനൈകലഭ്യം
ശ്രീവല്ലഭം തമനിശം സുഭഗം ഭജാമി ॥ 4॥

സൌഭാഗ്യഭൂമിജനിതം ത്രിജഗദ്വധൂനാം
ലാവണ്യസിന്ധുലഹരീപരിഷിക്തഗാത്രം ।
ശൃങ്ഗാരശേഖരമനന്തയശഃസ്വരൂപം
ശ്രീഗോകുലേശ്വരമേവ സദാ ഭജാമി ॥ 5॥

സൌന്ദര്യപദ്മമധുവഞ്ചിതമാനസൈസ്തു
സംസേവിതം മധുകരൈഃ ക്ഷിതിസുന്ദരീണാം ।
ആനന്ദകന്ദമരവിന്ദദലായതാക്ഷം
തം ഗോകുലാവനിഗതം നിഭൃതം ഭജാമി ॥ 6॥

ശൃങ്ഗാരസാരനിജരൂപരസം പദാബ്ജം
ഭൃങ്ഗായിതേഭ്യ ഇഹ പായയിതും ജനേഭ്യഃ ।
സൌന്ദര്യസീമനികഷം ദധതം സ്വവേശം
ശ്രീഗോകുലേശമനിശം തമഹം ഭജാമി ॥ 7॥

ശൃങ്ഗാരമേവ വനിതോത്സവമൂര്‍മിന്തം
ഭാഗ്യേന കേനചിദിഹാവതരന്തമുര്‍വ്യാം ।
ശ്രീവിഠ്ഠലാങ്ഗജനുപം സ്വകുലാവതംസേ
സന്തം ഭജാമി സതതം പ്രഭുഗോകുലേശം ॥ 8॥

ഇത്ഥം പ്രഭോര്‍നിജപ്രഭാതുലമാതുലസ്യ
ശ്രീവല്ലഭസ്യ രുചിരാഷ്ടകമാദരേണ ।
ശ്രീകൃഷ്ണരായകൃതമിഷ്ടദമേതദീയ-
പാദാരവിന്ദയുഗലസ്മരണേന ജപ്യം ॥ 9॥

ഇതി ശ്രീകൃഷ്ണരായവിരചിതം രുചിരാഷ്ടകം സമാപ്തം ।

Add Comment

Click here to post a comment