Shri Suryashtakam 2 Lyrics in Telugu:
॥ సూర్యాష్టకమ్ ౨ ॥
శ్రీగణేశాయ నమః ।
ప్రభాతే యస్మిన్నభ్యుదితసమయే కర్మసు నృణాం
ప్రవర్తేద్వై చేతో గతిరపి చ శీతాపహరణమ్ ।
గతో మైత్ర్యం పృథ్వీసురకులపతేర్యశ్చ తమహం
నమామి శ్రీసూర్యం తిమిరహరణం శాన్తశరణమ్ ॥ ౧ ॥
త్రినేత్రోఽప్యఞ్జల్యా సురముకుటసంవృష్టచరణే
బలిం నీత్వా నిత్యం స్తుతిముదితకాలాస్తసమయే ।
నిధానం యస్యాయం కురుత ఇతి ధామ్నామధిపతి
నమామి శ్రీసూర్యం తిమిరహరణం శాన్తశరణమ్ ॥ ౨ ॥
మృగాఙ్కే మూర్తిత్వం హ్యమరగణ భర్తాకృత ఇతి
నృణాం వర్త్మాత్మాత్మోక్షిణితవిదుషాం యశ్చ యజతామ్ ।
క్రతుర్లోకానాం యో లయభరభవేషుప్రభురయం
నమామి శ్రీసూర్యం తిమిరహరణం శాన్తశరణమ్ ॥ ౩ ॥
దిశః ఖం కాలో భూరుదధిరచలం చాక్షుషమిదం
విభాగో యేనాయం నిఖిలమహసా దీపయతి తాన్ ।
స్వయం శుద్ధం సంవిన్నిరతిశయమానన్దమజరం
నమామి శ్రీసూర్యం తిమిరహరణం శాన్తశరణమ్ ॥ ౪ ॥
వృషాత్పఞ్చస్వేత్యౌఢయతి దినమానన్దగమనస్-
తథా వృద్ధిం రాత్రైః ప్రకటయతి కీటాజ్జవగతిః ।
తులే మేషే యాతో రచయతి సమానం దిననిశం
నమామి శ్రీసూర్యం తిమిరహరణం శాన్తశరణమ్ ॥ ౫ ॥
వహన్తే యం హ్యశ్వా అరుణవిని యుక్తాః ప్రముదితాస్-
త్రయీరూపం సాక్షాద్దధతి చ రథం ముక్తిసదనమ్ ।
నజీవానాం యం వై విషయతి మనో వాగవసరో
నమామి శ్రీసూర్యం తిమిరహరణం శాన్తశరణమ్ ॥ ౬ ॥
తథా బ్రహ్మా నిత్యం మునిజనయుతా యస్య పురతశ్-
చలన్తే నృత్యన్తోఽయుతముత రసేనానుగుణితం ।
నిబధ్నన్తీ నాగా రథమపి చ నాగాయుతబలా
నమామి శ్రీసూర్యం తిమిరహరణం శాన్తశరణమ్ ॥ ౭ ॥
ప్రభాతే బ్రహ్మాణం శివతనుభృతం మధ్యదివసే
తథా సాయం విష్ణుం జగతి హితకారీ సుఖకరమ్ ।
సదా తేజోరాశిం త్రివివమథ పాపౌఘశమనం
నమామి శ్రీసూర్యం తిమిరహరణం శాన్తశరణమ్ ॥ ౮ ॥
మతం శాస్త్రాణాం యత్తదను రఘునాథేన రచితం
శుభం చుంరాగ్రామే తిమిరహరసూర్యాష్టకమిదమ్ ।
త్రిసన్ధ్యాయాం నిత్యం పఠతి మనుజోఽనన్యగతిమాంశ్-
చతుర్వర్గప్రాప్తౌ ప్రభవతి సదా తస్య విజయమ్ ॥ ౯ ॥
నన్దేన్ద్వఙ్క్క్షితావబ్దే (౧౯౧౯) మార్గమాసే శుభే దలే ।
సూర్యాష్టకమిదం ప్రోక్తం దశమ్యాం రవివాసరే ॥ ౧౦ ॥
ఇతి శ్రీపణ్డితరఘునాథశర్మణా విరచితం శ్రీసూర్యాష్టకం సమ్పూర్ణమ్ ।
