Sri Svaminyashtakam in Bengali:
শ্রীস্বামিন্যষ্টকম্
রহস্যং শ্রীরাধেত্যখিলনিগমানামিব ধনং
নিগূঢং য়দ্বাণী জপত সততং জাতু ন পরম্ ।
প্রদোষে দৃগ্মোষে পুলিনগমনায়াতিমধুরং
বলত্তস্যাশ্চঞ্চচ্চরণয়ুগমাস্তাং মনসি মে ॥ ১ ॥
অমন্দপ্রেমার্দ্রপ্রিয়করতলং কুঙ্কুমপিষ-
ত্কুচদ্বন্দ্বে বক্ষস্যপি চ দধতী চারু সততম্ ।
কৃপাং কুর্যাদ্রাধাময়ি রুচিরহেমাদ্রিশিখরো-
দিতপ্রাবৃণ্মেঘস্মরহরহরী চূচুকমিষাত্ ॥ ২ ॥
নিমন্ত্র্য প্রাতর্যা নিজহৃদয়নাথং নিরুপমা
সুকৌমার্যৈকাকিন্যতিঘনবনাদাত্মভবনে ।
বধিয়ান্নং স্বাদু স্বয়মতিমুদা ভোজয়তি সা
ময়ি প্রীতা রাধা ভবতু হরিসঙ্গার্পিতমনাঃ ॥ ৩ ॥
বিধায় শ্যামাংসে নিজভুজলতামিন্দুবদনং
কটাক্ষৈঃ পশ্যন্তী কুবলয়দলাক্ষী মধুপতেঃ ।
মুদা গায়ন্তী য়া মথুরমুরলীজাতনিনদা-
নুসারং তারং সা ফলতু মম রাধাবদনয়োঃ ॥ ৪ ॥
অমন্দপ্রেমার্দ্রাত্কিসলয়ময়াত্কোলশয়না-
দুষস্যুত্থায়াব্জারুণতরকপোলাতিরুচিরা ।
গৃহং য়ান্তী শ্রান্তিস্থগিতগতিরাস্যাম্বুজগতং
ঘনীভূতং রাধা রসমনুদিনং মে বিতরতু ॥ ৫ ॥
প্রিয়েণাক্ষ্ণা সংসূচিতনবনিকুঞ্জেষু বিবিধ-
প্রসূনৈর্নির্মায়াতিশয়রুচিরং কেলিশয়নম্ ।
দিগত্যেষা গুঞ্জন্মধুপমুখরে ধারপবনী-
শ্রিতে ক্রীডন্তী মে নিজচরণদাস্যং বিতরতু ॥ ৬ ॥
কদম্বারূঢং য়া নিজপতিমজানন্ত্যহনি ত-
ত্তলে কুর্বন্তী স্বপ্রিয়তমসখীভিঃ সহ কথাম্ ।
অকস্মাদুদ্বীক্ষ্য স্ফুটতরলহারোরসমিতি
স্মিতস্মেরব্রীডাঽঽননমুদিরদৃক্ সা মম গতিঃ ॥ ৭ ॥
ন মে ভূয়ান্মোক্ষো ন পুনরমরাধীশসদনং
ন য়োগো ন জ্ঞানং ন বিষয়সুখং দুঃখকদনম্ ।
ত্বদুচ্ছিষ্টং ভোজ্যং তব পদজলং পেয়মপি ত-
দ্রজো মূর্ধ্নি স্বামিন্যনুসবনমস্তু প্রতিভবম্ ॥ ৮ ॥
ইতি শ্রীমদ্গোপীজনচরণপঙ্কেরুহয়ুগা-
নুগত্যাঽঽনন্দাম্ভোনিধিবিভৃতবাক্কায়মনসা ।
ময়েদং প্রাদুর্ভাবিতমতিসুখং বিঠ্ঠলপদা-
ভিধেয়ে ময়্যেব প্রতিফলতু সর্বত্র সততম্ ॥ ৯ ॥
ইতি শ্রীবিঠ্ঠলেশ্বরবিরচিতং স্বামিন্যষ্টকং সমাপ্তম্ ।
