Sri Svaminyashtakam in Gujarati:
શ્રીસ્વામિન્યષ્ટકમ્
રહસ્યં શ્રીરાધેત્યખિલનિગમાનામિવ ધનં
નિગૂઢં યદ્વાણી જપત સતતં જાતુ ન પરમ્ ।
પ્રદોષે દૃગ્મોષે પુલિનગમનાયાતિમધુરં
બલત્તસ્યાશ્ચઞ્ચચ્ચરણયુગમાસ્તાં મનસિ મે ॥ ૧ ॥
અમન્દપ્રેમાર્દ્રપ્રિયકરતલં કુઙ્કુમપિષ-
ત્કુચદ્વન્દ્વે વક્ષસ્યપિ ચ દધતી ચારુ સતતમ્ ।
કૃપાં કુર્યાદ્રાધામયિ રુચિરહેમાદ્રિશિખરો-
દિતપ્રાવૃણ્મેઘસ્મરહરહરી ચૂચુકમિષાત્ ॥ ૨ ॥
નિમન્ત્ર્ય પ્રાતર્યા નિજહૃદયનાથં નિરુપમા
સુકૌમાર્યૈકાકિન્યતિઘનવનાદાત્મભવને ।
વધિયાન્નં સ્વાદુ સ્વયમતિમુદા ભોજયતિ સા
મયિ પ્રીતા રાધા ભવતુ હરિસઙ્ગાર્પિતમનાઃ ॥ ૩ ॥
વિધાય શ્યામાંસે નિજભુજલતામિન્દુવદનં
કટાક્ષૈઃ પશ્યન્તી કુવલયદલાક્ષી મધુપતેઃ ।
મુદા ગાયન્તી યા મથુરમુરલીજાતનિનદા-
નુસારં તારં સા ફલતુ મમ રાધાવદનયોઃ ॥ ૪ ॥
અમન્દપ્રેમાર્દ્રાત્કિસલયમયાત્કોલશયના-
દુષસ્યુત્થાયાબ્જારુણતરકપોલાતિરુચિરા ।
ગૃહં યાન્તી શ્રાન્તિસ્થગિતગતિરાસ્યામ્બુજગતં
ઘનીભૂતં રાધા રસમનુદિનં મે વિતરતુ ॥ ૫ ॥
પ્રિયેણાક્ષ્ણા સંસૂચિતનવનિકુઞ્જેષુ વિવિધ-
પ્રસૂનૈર્નિર્માયાતિશયરુચિરં કેલિશયનમ્ ।
દિગત્યેષા ગુઞ્જન્મધુપમુખરે ધારપવની-
શ્રિતે ક્રીડન્તી મે નિજચરણદાસ્યં વિતરતુ ॥ ૬ ॥
કદમ્બારૂઢં યા નિજપતિમજાનન્ત્યહનિ ત-
ત્તલે કુર્વન્તી સ્વપ્રિયતમસખીભિઃ સહ કથામ્ ।
અકસ્માદુદ્વીક્ષ્ય સ્ફુટતરલહારોરસમિતિ
સ્મિતસ્મેરવ્રીડાઽઽનનમુદિરદૃક્ સા મમ ગતિઃ ॥ ૭ ॥
ન મે ભૂયાન્મોક્ષો ન પુનરમરાધીશસદનં
ન યોગો ન જ્ઞાનં ન વિષયસુખં દુઃખકદનમ્ ।
ત્વદુચ્છિષ્ટં ભોજ્યં તવ પદજલં પેયમપિ ત-
દ્રજો મૂર્ધ્નિ સ્વામિન્યનુસવનમસ્તુ પ્રતિભવમ્ ॥ ૮ ॥
ઇતિ શ્રીમદ્ગોપીજનચરણપઙ્કેરુહયુગા-
નુગત્યાઽઽનન્દામ્ભોનિધિવિભૃતવાક્કાયમનસા ।
મયેદં પ્રાદુર્ભાવિતમતિસુખં વિઠ્ઠલપદા-
ભિધેયે મય્યેવ પ્રતિફલતુ સર્વત્ર સતતમ્ ॥ ૯ ॥
ઇતિ શ્રીવિઠ્ઠલેશ્વરવિરચિતં સ્વામિન્યષ્ટકં સમાપ્તમ્ ।
