ಶ್ರೀತ್ರಿಪುರಾರ್ಣವೋಕ್ತವರ್ಗಾನ್ತಸ್ತೋತ್ರಂ Lyrics in Kannada:
ಕ್ಷ್ಮಾಮ್ಬ್ವಗ್ನೀರಣಖಾರ್ಕೇನ್ದುಯಷ್ಟ್ಟಪ್ರಾಯಯುಗಾಕ್ಷರೈಃ ।
ಮಾತೃಭೈರವಗಾಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 1॥
ಕಾದಿವರ್ಗಾಷ್ಟಕಾಕಾರಸಮಸ್ತಾಷ್ಟಕವಿಗ್ರಹಾಮ್ ।
ಅಷ್ಟಶಕ್ತ್ಯಾವೃತಾಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 2॥
ಸ್ವರಷೋಡಶಕಾನಾಂ ತು ಷಟ್ ತ್ರಿಂಶದ್ಭಿಃ ಪರಾಪರೈಃ ।
ಷಟ್ ತ್ರಿಂಶತ್ತತ್ವಗಾಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 3॥
ಷಟ್ ತ್ರಿಂಶತ್ತತ್ವಸಂಸ್ಥಾಪ್ಯಶಿವಚನ್ದ್ರಕಲಾಸ್ವಪಿ ।
ಕಾದಿತತ್ತ್ವಾನ್ತರಾಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 4॥
ಆ ಈ ಮಾಯಾ ದ್ವಯೋಪಾಧಿವಿಚಿತ್ರೇನ್ದುಕಲಾವತೀಮ್ ।
ಸರ್ವಾತ್ಮಿಕಾಂ ಪರಾಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 5॥
ಷಡಧ್ವಪಿಂಡಯೋನಿಸ್ಥಾಂ ಮಂಡಲತ್ರಯಕುಂಡಲೀಮ್ ।
ಲಿಂಗತ್ರಯಾತಿಗಾಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 6॥
ಸ್ವಯಮ್ಭೂಹೃದಯಾಂ ಬಾಣಭ್ರೂಕಾಮಾನ್ತಃಸ್ಥಿತೇತರಾಮ್ ।
ಪ್ರಾಚ್ಯಾಂ ಪ್ರತ್ಯಕ್ಚಿತಿಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 7॥
ಅಕ್ಷರಾನ್ತರ್ಗತಾಶೇಷನಾಮರೂಪಾಂ ಕ್ರಿಯಾಪರಾಮ್ ।
ಶಕ್ತಿಂ ವಿಶ್ವೇಶ್ವರೀಂ ವನ್ದೇ ದೇವೀಂ ತ್ರಿಪುರಭೈರವೀಮ್ ॥ 8॥
ವರ್ಗಾನ್ತೇ ಪಠಿತವ್ಯಂ ಸ್ಯಾತ್ ಸ್ತೋತ್ರಮೇತತ್ಸಮಾಹಿತೈಃ ।
ಸರ್ವಾನ್ ಕಾಮಾನವಾಪ್ನೋತಿ ಅನ್ತೇ ಸಾಯುಜ್ಯಮಾಪ್ನುಯಾತ್ ॥ 9॥
ಇತಿ ಶ್ರೀತ್ರಿಪುರಾರ್ಣವೋಕ್ತವರ್ಗಾನ್ತಸ್ತೋತ್ರಂ ಸಮ್ಪೂರ್ಣಮ್ ।
