ஶ்ரீத்ரிபுரார்ணவோக்தவர்கா³ந்தஸ்தோத்ரம் Lyrics in Tamil:
க்ஷ்மாம்ப்³வக்³நீரணகா²ர்கேந்து³யஷ்ட்டப்ராயயுகா³க்ஷரை: ।
மாத்ருʼபை⁴ரவகா³ம் வந்தே³ தே³வீம் த்ரிபுரபை⁴ரவீம் ॥ 1॥
காதி³வர்கா³ஷ்டகாகாரஸமஸ்தாஷ்டகவிக்³ரஹாம் ।
அஷ்டஶக்த்யாவ்ருʼதாம் வந்தே³ தே³வீம் த்ரிபுரபை⁴ரவீம் ॥ 2॥
ஸ்வரஷோட³ஶகாநாம் து ஷட் த்ரிம்ஶத்³பி:⁴ பராபரை: ।
ஷட் த்ரிம்ஶத்தத்வகா³ம் வந்தே³ தே³வீம் த்ரிபுரபை⁴ரவீம் ॥ 3॥
ஷட் த்ரிம்ஶத்தத்வஸம்ஸ்தா²ப்யஶிவசந்த்³ரகலாஸ்வபி ।
காதி³தத்த்வாந்தராம் வந்தே³ தே³வீம் த்ரிபுரபை⁴ரவீம் ॥ 4॥
ஆ ஈ மாயா த்³வயோபாதி⁴விசித்ரேந்து³கலாவதீம் ।
ஸர்வாத்மிகாம் பராம் வந்தே³ தே³வீம் த்ரிபுரபை⁴ரவீம் ॥ 5॥
ஷட³த்⁴வபிண்ட³யோநிஸ்தா²ம் மண்ட³லத்ரயகுண்ட³லீம் ।
லிங்க³த்ரயாதிகா³ம் வந்தே³ தே³வீம் த்ரிபுரபை⁴ரவீம் ॥ 6॥
ஸ்வயம்பூ⁴ஹ்ருʼத³யாம் பா³ணப்⁴ரூகாமாந்த:ஸ்தி²தேதராம் ।
ப்ராச்யாம் ப்ரத்யக்சிதிம் வந்தே³ தே³வீம் த்ரிபுரபை⁴ரவீம் ॥ 7॥
அக்ஷராந்தர்க³தாஶேஷநாமரூபாம் க்ரியாபராம் ।
ஶக்திம் விஶ்வேஶ்வரீம் வந்தே³ தே³வீம் த்ரிபுரபை⁴ரவீம் ॥ 8॥
வர்கா³ந்தே படி²தவ்யம் ஸ்யாத் ஸ்தோத்ரமேதத்ஸமாஹிதை: ।
ஸர்வாந் காமாநவாப்நோதி அந்தே ஸாயுஜ்யமாப்நுயாத் ॥ 9॥
இதி ஶ்ரீத்ரிபுரார்ணவோக்தவர்கா³ந்தஸ்தோத்ரம் ஸம்பூர்ணம் ।
