Vishnavashtakam Lyrics in Kannada:
॥ ವಿಷ್ಣ್ವಷ್ಟಕಮ್ ॥
ಶ್ರೀಗಣೇಶಾಯ ನಮಃ ।
ಪುರಃ ಸೃಷ್ಟಾವಿಷ್ಟಃ ಪುರುಷ ಇತಿ ತತ್ಪ್ರೇಕ್ಷಣಮುಖಃ
ಸಹಸ್ರಾಕ್ಷೋ ಭುಕ್ತ್ವಾ ಫಲಮನುಶಯೀ ಶಾಸ್ತಿ ತಮುತ ।
ಸ್ವಯಂ ಶುದ್ಧಂ ಶಾನ್ತಂ ನಿರವಧಿಸುಖಂ ನಿತ್ಯಮಚಲಂ
ನಮಾಮಿ ಶ್ರೀವಿಷ್ಣುಂ ಜಲಧಿತನಯಾಸೇವಿತಪದಮ್ ॥ 1॥
ಅನನ್ತಂ ಸತ್ಸತ್ಯಂ ಭವಭಯಹರಂ ಬ್ರಹ್ಮ ಪರಮಂ
ಸದಾ ಭಾತಂ ನಿತ್ಯಂ ಜಗದಿದಮಿತಃ ಕಲ್ಪಿತಪರಮ್ ।
ಮುಹುರ್ಜ್ಞಾನಂ ಯಸ್ಮಿನ್ ರಜತಮಿವ ಶುಕ್ತೌ ಭ್ರಮಹರಂ ನಮಾಮಿ0॥ 2॥
ಮತೌ ಯತ್ಸದ್ರೂಪಂ ಮೃಗಯತಿ ಬುಧೋಽತನ್ನಿರಸನಾತ್
ನ ರಜ್ಜೌ ಸರ್ಪೋಽಪಿ ಮುಕುರಜಠರೇ ನಾಸ್ತಿ ವದನಮ್ ।
ಅತೋಽಪಾರ್ಥಂ ಸರ್ವಂ ನ ಹಿ ಭವತಿ ಯಸ್ಮಿಂಶ್ಚ ತಮಹಂ ನಮಾಮಿ0॥ 3॥
ಭ್ರಮದ್ಧೀವಿಕ್ಷಿಪ್ತೇನ್ದ್ರಿಯಪಥಮನುಷ್ಯೈರ್ಹೃದಿ ವಿಭುಂ
ನಯಂ ವೈ ವೇದ ಸ್ವೇನ್ದ್ರಿಯಮಪಿ ವಸನ್ತಂ ನಿಜಮುಖಮ್ ।
ಸದಾ ಸೇವ್ಯಂ ಭಕ್ತೈರ್ಮುನಿಮನಸಿ ದೀಪ್ತಂ ಮುನಿನುತಂ ನಮಾಮಿ0॥ 4॥
ಬುಧಾ ಯತ್ತದ್ರೂಪಂ ನ ಹಿ ತು ನೈರ್ಗುಣ್ಯಮಮಲಂ
ಯಥಾ ಯೇ ವ್ಯಕ್ತಂ ತೇ ಸತತಮಕಲಂಕೇ ಶ್ರುತಿನುತಮ್ ।
ಯದಾಹುಃ ಸರ್ವತ್ರಾಸ್ಖಲಿತಗುಣಸತ್ತಾಕಮತುಲಂ ನಮಾಮಿ0॥ 5॥
ಲಯಾದೌ ಯಸ್ಮಿನ್ಯದ್ವಿಲಯಮಪ್ಯುದ್ಯತ್ಪ್ರಭವತಿ
ತಥಾ ಜೀವೋಪೇತಂ ಗುರುಕರುಣಯಾ ಬೋಧಜನನೇ ।
ಗತಂ ಚಾತ್ಯನ್ತಾನ್ತಂ ವ್ರಜತಿ ಸಹಸಾ ಸಿನ್ಧುನದವನ್ನಮಾಮಿ0॥ 6॥
ಜಡಂ ಸಂಘಾತಂ ಯನ್ನಿಮಿಷಲವಲೇಶೇನ ಚಪಲಂ
ಯಥಾ ಸ್ವಂ ಸ್ವಂ ಕಾರ್ಯಂ ಪ್ರಥಯತಿ ಮಹಾಮೋಹಜನಕಮ್ ।
ಮನೋವಾದಗ್ಜೀವಾನಾಂ ನ ನಿವಿಶತಿ ಯಂ ನಿರ್ಭಯಪದಂ ನಮಾಮಿ0॥ 7॥
ಗುಣಾಖ್ಯಾನೇ ಯಸ್ಮಿನ್ಪ್ರಭವತಿ ನ ವೇದೋಽಪಿ ನಿತರಾಂ
ನಿಷಿಧ್ಯದ್ವಾಕ್ಯಾರ್ಥೈಶ್ಚಕಿತಚಕಿತಂ ಯೋಽಸ್ಯ ವಚನಮ್ ।
ಸ್ವರೂಪಂ ಯದ್ಗತ್ವಾ ಪ್ರಭುರಪಿ ಚ ತೂಷ್ಣೀಂ ಭವತಿ ತಂ
ನಮಾಮಿ ಶ್ರೀವಿಷ್ಣುಂ ಜಲಧಿತನಯಾಸೇವಿತಪದಮ್ ॥ 8॥
ವಿಣ್ವಷ್ಟಕಂ ಯಃ ಪಠತಿ ಪ್ರಭಾತೇ ನರೋಽಪ್ಯಖಂಡಂ ಸುಖಮಶ್ನುತೇ ಚ ।
ಯನ್ನಿತ್ಯಬೋಧಾಯ ಸುಬುದ್ಧಿನೋಕ್ತಂ ರಧೂತ್ತಮಾಖ್ಯೇನ ವಿಚಾರ್ಯ ಸಮ್ಯಕ್ ॥ 9॥
ಇತಿ ಶ್ರೀವಿಷ್ಣ್ವಷ್ಟಕಂ ಸಮ್ಪೂರ್ಣಮ್ ॥