Vishnavashtakam Lyrics in Malayalam:
॥ വിഷ്ണ്വഷ്ടകം ॥
ശ്രീഗണേശായ നമഃ ।
പുരഃ സൃഷ്ടാവിഷ്ടഃ പുരുഷ ഇതി തത്പ്രേക്ഷണമുഖഃ
സഹസ്രാക്ഷോ ഭുക്ത്വാ ഫലമനുശയീ ശാസ്തി തമുത ।
സ്വയം ശുദ്ധം ശാന്തം നിരവധിസുഖം നിത്യമചലം
നമാമി ശ്രീവിഷ്ണും ജലധിതനയാസേവിതപദം ॥ 1॥
അനന്തം സത്സത്യം ഭവഭയഹരം ബ്രഹ്മ പരമം
സദാ ഭാതം നിത്യം ജഗദിദമിതഃ കല്‍പിതപരം ।
മുഹുര്‍ജ്ഞാനം യസ്മിന്‍ രജതമിവ ശുക്തൌ ഭ്രമഹരം നമാമി0॥ 2॥
മതൌ യത്സദ്രൂപം മൃഗയതി ബുധോഽതന്നിരസനാത്
ന രജ്ജൌ സര്‍പോഽപി മുകുരജഠരേ നാസ്തി വദനം ।
അതോഽപാര്‍ഥം സര്‍വം ന ഹി ഭവതി യസ്മിംശ്ച തമഹം നമാമി0॥ 3॥
ഭ്രമദ്ധീവിക്ഷിപ്തേന്ദ്രിയപഥമനുഷ്യൈര്‍ഹൃദി വിഭും
നയം വൈ വേദ സ്വേന്ദ്രിയമപി വസന്തം നിജമുഖം ।
സദാ സേവ്യം ഭക്തൈര്‍മുനിമനസി ദീപ്തം മുനിനുതം നമാമി0॥ 4॥
ബുധാ യത്തദ്രൂപം ന ഹി തു നൈര്‍ഗുണ്യമമലം
യഥാ യേ വ്യക്തം തേ സതതമകലങ്കേ ശ്രുതിനുതം ।
യദാഹുഃ സര്‍വത്രാസ്ഖലിതഗുണസത്താകമതുലം നമാമി0॥ 5॥
ലയാദൌ യസ്മിന്യദ്വിലയമപ്യുദ്യത്പ്രഭവതി
തഥാ ജീവോപേതം ഗുരുകരുണയാ ബോധജനനേ ।
ഗതം ചാത്യന്താന്തം വ്രജതി സഹസാ സിന്ധുനദവന്നമാമി0॥ 6॥
ജഡം സങ്ഘാതം യന്നിമിഷലവലേശേന ചപലം
യഥാ സ്വം സ്വം കാര്യം പ്രഥയതി മഹാമോഹജനകം ।
മനോവാദഗ്ജീവാനാം ന നിവിശതി യം നിര്‍ഭയപദം നമാമി0॥ 7॥
ഗുണാഖ്യാനേ യസ്മിന്‍പ്രഭവതി ന വേദോഽപി നിതരാം
നിഷിധ്യദ്വാക്യാര്‍ഥൈശ്ചകിതചകിതം യോഽസ്യ വചനം ।
സ്വരൂപം യദ്ഗത്വാ പ്രഭുരപി ച തൂഷ്ണീം ഭവതി തം
നമാമി ശ്രീവിഷ്ണും ജലധിതനയാസേവിതപദം ॥ 8॥
വിണ്വഷ്ടകം യഃ പഠതി പ്രഭാതേ നരോഽപ്യഖണ്ഡം സുഖമശ്നുതേ ച ।
യന്നിത്യബോധായ സുബുദ്ധിനോക്തം രധൂത്തമാഖ്യേന വിചാര്യ സംയക് ॥ 9॥
ഇതി ശ്രീവിഷ്ണ്വഷ്ടകം സമ്പൂര്‍ണം ॥