Sri Viththaleshashtakam Lyrics in Oriya:
ଶ୍ରୀଵିଠ୍ଠଲେଶାଷ୍ଟକମ୍
ରଘୁନାଥକୃତଂ
ଶ୍ରୀଗଣେଶାୟ ନମଃ ।
କୁରୁସଦସି କୃତାଭୂଦ୍ଦ୍ରୌପଦୀଵସ୍ତ୍ରଶେଷା
ସକଲନୃପଵରେନ୍ଦ୍ରା ୟତ୍ର ଵକ୍ତୁଂ ନ ଶକ୍ତାଃ ।
ହରିଚରଣରତାଙ୍ଗୀ ୟେନ ତତ୍ରାତ୍ମଧୀରା
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୧॥
ପ୍ରଥମଜନନପାପପ୍ରାପ୍ତସମ୍ପ୍ରେତଦେହୌ
ସମୟ ଇହ ମମାସ୍ମିନ୍କୃଷ୍ଣଭକ୍ତ୍ୟା ସମେତୌ ।
ଗଲିତପତିତଵେଷାଵୁଦ୍ଧତୌ ୟେନ ସଦ୍ୟଃ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୨॥
କମଲଦଲସୁନେତ୍ରେଣୈଵ ଭୂତେଶମାୟା-
ତତିଭିରିଵ ହି ୟେନ ଭ୍ରାମିତଃ ସର୍ଵଲୋକଃ ।
ଅଖିଲଜଗତି ସର୍ଵସ୍ଵୀୟଭକ୍ତାଃ କୃତାର୍ଥାଃ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୩॥
ସକଲୟଦୁକୁଲେନ୍ଦ୍ରୋ ୟେନ କଂସୋ ହତୋଽଭୂତ୍
ଜନନସମୟପୂର୍ଵଂ ଦେଵକୀଶୂରୟୋଶ୍ଚ ।
ପରିହୃତମପି ଦୁଃଖଂ ୟାମିକା ମୋହିତାଶ୍ଚ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୪॥
ତପନଦୁହିତୁରନ୍ତଃ କାଲିୟୋ ମାରିତଃ ସନ୍
ଅଲିଗଣସୁହିତେଽସ୍ମିଂସ୍ତତ୍ଫଣେ ୟେନ ନୃତ୍ୟମ୍ ।
କୃତମପି ଚ ତଦମ୍ଭୋ ଲମ୍ଭିତଂ ନିର୍ଵିଷତ୍ଵଂ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୫॥
କପଟକୃତଶରୀରା ପୂତନା ପ୍ରାପିତାଽଭ୍ରଂ
ଵ୍ରଜପତିଗୃହସୁପ୍ତାଵେକପାଦେନ ୟେନ ।
ଶକଟ ଅସୁରଵେଷଃ ପ୍ରେଷିତଃ ସ୍ଥାନନାଶଂ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୬॥
ପଦନତିୟୁତହସ୍ତା ତୋଷିତା ୟେନ କୁନ୍ତୀ
ହ୍ୟସୁରକୁଲସମୂହା ହିଂସିତା ଵୀର୍ୟଵନ୍ତଃ ।
ଅଖିଲଭୁଵନଭାରଃ ପ୍ରେଷିତଃ ସଂଲଘୁତ୍ଵଂ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୭॥
ଅଖିଲସୁରକୁଲେନ୍ଦ୍ରସ୍ୟୈଵ ୟେନାଭିମାନୋ
ଗିରିଵରଧରଣେନ କ୍ଷୀଣତାଂ ପ୍ରାପିତଶ୍ଚ ।
ଜଲଧରଭଵଧାରାଃ ସଂହୃତା ଗ୍ରାଵୟୁକ୍ତାଃ
ସ ଭଵତୁ ମମ ଭୂତ୍ୟୈ ଵିଠ୍ଠଲେଶଃ ସହାୟଃ ॥ ୮॥
ଵିଟ୍ଠଲେଶାଷ୍ଟକମିଦଂ ପ୍ରାତରୁତ୍ଥାୟ ୟଃ ପଠେତ୍ ।
ଭକ୍ତ୍ୟା ନତ୍ଵା ଚ ସୁମନାଃ ସ ୟାତି ପରମାଂ ଗତିମ୍ ॥ ୯॥
ଇତି ରଘୁନାଥକୃତଂ ଶ୍ରୀଵିଠ୍ଠଲେଶାଷ୍ଟକଂ ସମ୍ପୂର୍ଣମ୍ ।