Templesinindiainfo

Best Spiritual Website

Shri Yamunashtakam 10 Lyrics in Telugu | River Yamunashtaka

The below Telugu lines are about River Yamuna.

Shri Yamuna Ashtakam 10 Lyrics in Telugu:

శ్రీయమునాష్టకమ్
భ్రాతురన్తకస్య పత్తనేఽభిపత్తిహారిణీ
ప్రేక్షయాతిపాపినోఽపి పాపసిన్ధుతారిణీ ।
నీరమాధురీభిరప్యశేషచిత్తబన్ధినీ
మాం పునాతు సర్వదారవిన్దబన్ధునన్దినీ || ౧ ||

హారివారిధారయాభిమణ్డితోరుఖాణ్డవా
పుణ్డరీకమణ్డలోద్యదణ్డజాలితాణ్డవా ।
స్నానకామపామరోగ్రపాపసమ్పదన్ధినీ
మాం పునాతు సర్వదారవిన్దబన్ధునన్దినీ || ౨ ||

శీకరాభిమృష్టజన్తుదుర్విపాకమర్దినీ
నన్దనన్దనాన్తరఙ్గభక్తిపూరవర్ధినీ ।
తీరసఙ్గమాభిలాషిమఙ్గలానుబన్ధినీ
మాం పునాతు సర్వదారవిన్దబన్ధునన్దినీ || ౩ ||

ద్వీపచక్రవాలజుష్టసప్తసిన్ధుభేదినీ
శ్రీముకున్దనిర్మితోరుదివ్యకేలివేదినీ ।
కాన్తికన్దలీభిరిన్ద్రనీలవృన్దనిన్దినీ
మాం పునాతు సర్వదారవిన్దబన్ధునన్దినీ || ౪ ||

మాథురేణ మణ్డలేన చారుణాభిమణ్డితా
ప్రేమనద్ధవైష్ణవాధ్వవర్ధనాయ పణ్డితా ।
ఊర్మిదోర్విలాసపద్మనాభపాదవన్దినీ
మాం పునాతు సర్వదారవిన్దబన్ధునన్దినీ || ౫ ||

రమ్యతీరరమ్భమాణగోకదమ్బభూషితా
దివ్యగన్ధభాక్కదమ్బపుష్పరాజిరూషితా ।
నన్దసూనుభక్తసఙ్ఘసఙ్గమాభినన్దినీ
మాం పునాతు సర్వదారవిన్దబన్ధునన్దినీ || ౬ ||

ఫుల్లపక్షమల్లికాక్షహంసలక్షకూజితా
భక్తివిద్ధదేవసిద్ధకిన్నరాలిపూజితా ।
తీరగన్ధవాహగన్ధజన్మబన్ధరన్ధినీ
మాం పునాతు సర్వదారవిన్దబన్ధునన్దినీ || ౭ ||

చిద్విలాసవారిపూరభూర్భువఃస్వరాపినీ
కీర్తితాపి దుర్మదోరుపాపమర్మతాపినీ ।
బల్లవేన్ద్రనన్దనాఙ్గరాగభఙ్గగన్ధినీ
మాం పునాతు సర్వదారవిన్దబన్ధునన్దినీ || ౮ ||

తుష్టబుద్ధిరష్టకేన నిర్మలోర్మిచేష్టితాం
త్వామనేన భానుపుత్రి! సర్వదేవవేష్టితామ్ ।
యఃస్తవీతి వర్ధయస్వ సర్వపాపమోచనే
భక్తిపూరమస్య దేవి! పుణ్డరీకలోచనే || ౯ ||

ఇతి శ్రీరూపగోస్వామివిరచితస్తవమాలాయాం శ్రీయమునాష్టకం సమ్పూర్ణమ్ ।

Shri Yamunashtakam 10 Lyrics in Telugu | River Yamunashtaka

Leave a Reply

Your email address will not be published. Required fields are marked *

Scroll to top