Shri Yugal Kishor Ashtakam Text in Malayalam:
ശ്രീയുഗലകിശോരാഷ്ടകം
ശ്രീമദ്രൂപഗോസ്വാമിവിരചിതം ।
നവജലധരവിദ്യുദ്യോതവര്ണൌ പ്രസന്നൌ
വദനനയനപദ്മൌ ചാരുചന്ദ്രാവതംസൌ ।
അലകതിലകഫാലൌ കേശവേശപ്രഫുല്ലൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 1॥
വസനഹരിതനീലൌ ചന്ദനാലേപനാങ്ഗൌ
മണിമരകതദീപ്തൌ സ്വര്ണമാലാപ്രയുക്തൌ ।
കനകവലയഹസ്തൌ രാസനാട്യപ്രസക്തൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 2॥
അതിമതിഹരവേശൌ രങ്ഗഭങ്ഗീത്രിഭങ്ഗൌ
മധുരമൃദുലഹാസ്യൌ കുണ്ഡലാകീര്ണകര്ണൌ ।
നടവരവരരംയൌ നൃത്യഗീതാനുരക്തൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 3॥
വിവിധഗുണവിദഗ്ധൌ വന്ദനീയൌ സുവേശൌ
മണിമയമകരാദ്യൈഃ ശോഭിതാങ്ഗൌ സ്ഫുരന്തൌ ।
സ്മിതനമിതകടാക്ഷൌ ധര്മകര്മപ്രദത്തൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 4॥
കനകമുകുടചൂഡൌ പുഷ്പിതോദ്ഭൂഷിതാങ്ഗൌ
സകലവനനിവിഷ്ടൌ സുന്ദരാനന്ദപുഞ്ജൌ ।
ചരണകമലദിവ്യൌ ദേവദേവാദിസേവ്യൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 5॥
അതിസുവലിതഗാത്രൌ ഗന്ധമാല്യൈര്വിരാജൌ
കതി കതി രമണീനാം സേവ്യമാനൌ സുവേശൌ ।
മുനിസുരഗണഭാവ്യൌ വേദശാസ്ത്രാദിവിജ്ഞൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 6॥
അതിസുമധുരമൂര്തൌ ദുഷ്ടദര്പപ്രശാന്തൌ
സുഖരസവരദൌ ദ്വൌ സര്വസിദ്ധിപ്രദാനൌ ।
അതിരസവശമഗ്നൌ ഗീതവാദ്യൈര്വിതാനൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 7॥
അഗമനിഗമസാരൌ സൃഷ്ടിസംഹാരകാരൌ
വയസി നവകിശോരൌ നിത്യവൃന്ദാവനസ്ഥൌ ।
ശമനഭയവിനാശൌ പാപിനസ്താരയന്തൌ
ഭജ ഭജ തു മനോ രേ രാധികാകൃഷ്ണചന്ദ്രൌ ॥ 8॥
ഇദം മനോഹരം സ്തോത്രം ശ്രദ്ധയാ യഃ പഠേന്നരഃ ।
രാധികാകൃഷ്ണചന്ദ്രൌ ച സിദ്ധിദൌ നാത്ര സംശയഃ ॥ 9॥
ഇതി ശ്രീമദ്രൂപഗോസ്വാമിവിരചിതം ശ്രീയുഗലകിശോരാഷ്ടകം സമ്പൂര്ണം ।