શ્રીબાલકૃષ્ણપ્રાર્થનાષ્ટકમ્ Lyrics in Gujarati:
શ્રીમદ્યશોદાઙ્કવિહારદક્ષે
તત્સ્તન્યસક્તે નિજભક્તરક્તે ।
ગોવર્ધનપ્રીતિકરે પરેઽસ્મિન્
શ્રીબાલકૃષ્ણે રતિરસ્તુ નિત્યમ્ ॥ ૧॥
શ્રીનન્દરાજાઙ્ગણરન્તરશ્મિ- ??
કિર્મીરિતાઙ્ગદ્યુતિરમ્યરમ્યે । ??
તત્રાનિશં ક્રીડનતત્પરેઽસ્મિન્
શ્રીબાલકૃષ્ણે રતિરસ્તુ નિત્યમ્ ॥ ૨॥
મુખામૃતં પ્રાશ્ય પદામૃતં કિં
વાઞ્છન્તિ નિશ્ચેતુમતીવ ભક્તાઃ ।
આસ્યે પદાઙ્ગુષ્ઠધરે મમાસ્મિન્
શ્રીબાલકૃષ્ણે રતિરસ્તુ નિત્યમ્ ॥ ૩॥
નાનામણિવ્રાતવિભૂષણાનાં
ચાપલ્યતો મઞ્ચુલસિઞ્જિતૈસ્તૈઃ ।
સ્થિતાઞ્જિતાસ્યે કૃતમુગ્ધલાસ્યે
શ્રીબાલકૃષ્ણે રતિરસ્તુ નિત્યમ્ ॥ ૪॥
ઘોષેષુ ગોપઙ્કયુતેષુ ગત્યા
પ્રત્યઙ્ગમાલિન્યવિશેષહૃદ્યે ।
બાલ્યાત્કલાલાપમનોહરેઽસ્મિન્
શ્રીબાલકૃષ્ણે રતિરસ્તુ નિત્યમ્ ॥ ૫॥
સ્નિગ્ધામલાકુઞ્ચિતકુન્તલસ્પૃગ્-
વક્ત્રેણ ભઙ્ગાવૃતપદ્મશોભામ્ ।
જહન્તિ તસ્મિન્ મમ નન્દસૂનૌ
શ્રીબાલકૃષ્ણે રતિસ્તુ નિત્યમ્ ॥ ૬॥
દન્તદ્વયેનાર્જિતકુન્દકોશે
દ્વન્દ્વોત્થશોભે નવનીરદાભે ।
હૈયઙ્ગવીનાઙ્કલિતૈકહસ્તે
શ્રીબાલકૃષ્ણે રતિરસ્તુ નિત્યમ્ ॥ ૭॥
હસ્તેન નેત્રાદપસારિતેન
સ્નિગ્ધાઞ્જનેનાક્તકપાલદેશે ।
વ્રજાઙ્ગનાસ્નેહસુધાસુપાત્રે
શ્રીબાલકૃષ્ણે રતિરસ્તુ નિત્યમ્ ॥ ૮॥
ઇતિ શ્રીબાલકૃષ્ણસ્ય વર્ણનપ્રાર્થનાષ્ટકમ્ ।
વર્ણિતં જીવનાખ્યેન ગોકુલોત્સવસૂનુના ॥
ઇતિ શ્રીવલ્લભચરણૈકતાન શ્રીમદ્ગોકુલોત્સવતનૂદ્ભવ-
શ્રીજીવનેશવિરચિતં શ્રીબાલકૃષ્ણશરણાષ્ટકં સમ્પૂર્ણમ્ ।
