ଶ୍ରୀବାଲକୃଷ୍ଣପ୍ରାର୍ଥନାଷ୍ଟକମ୍ Lyrics in Oriya:
ଶ୍ରୀମଦ୍ୟଶୋଦାଙ୍କଵିହାରଦକ୍ଷେ
ତତ୍ସ୍ତନ୍ୟସକ୍ତେ ନିଜଭକ୍ତରକ୍ତେ ।
ଗୋଵର୍ଧନପ୍ରୀତିକରେ ପରେଽସ୍ମିନ୍
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୧॥
ଶ୍ରୀନନ୍ଦରାଜାଙ୍ଗଣରନ୍ତରଶ୍ମି- ??
କିର୍ମୀରିତାଙ୍ଗଦ୍ୟୁତିରମ୍ୟରମ୍ୟେ । ??
ତତ୍ରାନିଶଂ କ୍ରୀଡନତତ୍ପରେଽସ୍ମିନ୍
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୨॥
ମୁଖାମୃତଂ ପ୍ରାଶ୍ୟ ପଦାମୃତଂ କିଂ
ଵାଞ୍ଛନ୍ତି ନିଶ୍ଚେତୁମତୀଵ ଭକ୍ତାଃ ।
ଆସ୍ୟେ ପଦାଙ୍ଗୁଷ୍ଠଧରେ ମମାସ୍ମିନ୍
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୩॥
ନାନାମଣିଵ୍ରାତଵିଭୂଷଣାନାଂ
ଚାପଲ୍ୟତୋ ମଞ୍ଚୁଲସିଞ୍ଜିତୈସ୍ତୈଃ ।
ସ୍ଥିତାଞ୍ଜିତାସ୍ୟେ କୃତମୁଗ୍ଧଲାସ୍ୟେ
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୪॥
ଘୋଷେଷୁ ଗୋପଙ୍କୟୁତେଷୁ ଗତ୍ୟା
ପ୍ରତ୍ୟଙ୍ଗମାଲିନ୍ୟଵିଶେଷହୃଦ୍ୟେ ।
ବାଲ୍ୟାତ୍କଲାଲାପମନୋହରେଽସ୍ମିନ୍
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୫॥
ସ୍ନିଗ୍ଧାମଲାକୁଞ୍ଚିତକୁନ୍ତଲସ୍ପୃଗ୍-
ଵକ୍ତ୍ରେଣ ଭଙ୍ଗାଵୃତପଦ୍ମଶୋଭାମ୍ ।
ଜହନ୍ତି ତସ୍ମିନ୍ ମମ ନନ୍ଦସୂନୌ
ଶ୍ରୀବାଲକୃଷ୍ଣେ ରତିସ୍ତୁ ନିତ୍ୟମ୍ ॥ ୬॥
ଦନ୍ତଦ୍ଵୟେନାର୍ଜିତକୁନ୍ଦକୋଶେ
ଦ୍ଵନ୍ଦ୍ଵୋତ୍ଥଶୋଭେ ନଵନୀରଦାଭେ ।
ହୈୟଙ୍ଗଵୀନାଙ୍କଲିତୈକହସ୍ତେ
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୭॥
ହସ୍ତେନ ନେତ୍ରାଦପସାରିତେନ
ସ୍ନିଗ୍ଧାଞ୍ଜନେନାକ୍ତକପାଲଦେଶେ ।
ଵ୍ରଜାଙ୍ଗନାସ୍ନେହସୁଧାସୁପାତ୍ରେ
ଶ୍ରୀବାଲକୃଷ୍ଣେ ରତିରସ୍ତୁ ନିତ୍ୟମ୍ ॥ ୮॥
ଇତି ଶ୍ରୀବାଲକୃଷ୍ଣସ୍ୟ ଵର୍ଣନପ୍ରାର୍ଥନାଷ୍ଟକମ୍ ।
ଵର୍ଣିତଂ ଜୀଵନାଖ୍ୟେନ ଗୋକୁଲୋତ୍ସଵସୂନୁନା ॥
ଇତି ଶ୍ରୀଵଲ୍ଲଭଚରଣୈକତାନ ଶ୍ରୀମଦ୍ଗୋକୁଲୋତ୍ସଵତନୂଦ୍ଭଵ-
ଶ୍ରୀଜୀଵନେଶଵିରଚିତଂ ଶ୍ରୀବାଲକୃଷ୍ଣଶରଣାଷ୍ଟକଂ ସମ୍ପୂର୍ଣମ୍ ।
