Templesinindiainfo

Best Spiritual Website

Sri Bhramaramba Ashtakam Lyrics in Gujarati

ભ્રમરામ્બાષ્ટકમ્ અથવા શ્રીમાતૃસ્તવઃ Lyrics in Gujarati:

ચાઞ્ચલ્યારુણલોચનાઞ્ચિતકૃપાચન્દ્રાર્કચૂડામણિં
ચારુસ્મેરમુખાં ચરાચરજગત્સંરક્ષણીં તત્પદામ્ ।
ચઞ્ચ્ચમ્પકનાસિકાગ્રવિલસન્મુક્તામણીરઞ્જિતાં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૧॥

કસ્તૂરીતિલકાઞ્ચિતેન્દુવિલસત્પ્રોદ્ભાસિફાલસ્થલીં
કર્પૂરદ્રાવમિક્ષચૂર્ણખદિરામોદોલ્લસદ્વીટિકામ્ ।
લોલાપાઙ્ગતરઙ્ગિતૈરધિકૃપાસારૈર્નતાનન્દિનીં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૨॥

રાજન્મત્તમરાલમન્દગમનાં રાજીવપત્રેક્ષણાં
રાજીવપ્રભવાદિદેવમકુટૈ રાજત્પદામ્ભોરુહામ્ ।
રાજીવાયતમન્દમણ્ડિતકુચાં રાજાધિરાજેશ્વરીં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૩॥

ષટ્તારાં ગણદીપિકાં શિવસતીં ષડ્વૈરિવર્ગાપહાં
ષટ્ચક્રાન્તરસંસ્થિતાં વરસુધાં ષડ્યોગિનીવેષ્ટિતામ્ ।
ષટ્ચક્રાઞ્ચિતપાદુકાઞ્ચિતપદાં ષડ્ભાવગાં ષોડશીં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૪॥

શ્રીનાથાદૃતપાલિતાત્રિભુવનાં શ્રિચક્રસંચારિણીં
જ્ઞાનાસક્તમનોજયૌવનલસદ્ગન્ધર્વકન્યાદૃતામ્ ।
દીનાનામાતિવેલભાગ્યજનનીં દિવ્યામ્બરાલંકૃતાં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૫॥

લાવણ્યાધિકભૂષિતાઙ્ગલતિકાં લાક્ષાલસદ્રાગિણીં
સેવાયાતસમસ્તદેવવનિતાં સીમન્તભૂષાન્વિતામ્ ।
ભાવોલ્લાસવશીકૃતપ્રિયતમાં ભણ્ડાસુરચ્છેદિનીં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૬॥

ધન્યાં સોમવિભાવનીયચરિતાં ધારાધરશ્યામલાં
મુન્યારાધનમેધિનીં સુમવતાં મુક્તિપ્રદાનવ્રતામ્ ।
કન્યાપૂજનપુપ્રસન્નહૃદયાં કાઞ્ચીલસન્મધ્યમાં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૭॥

કર્પૂરાગરુકુઙ્કુમાઙ્કિતકુચાં કર્પૂરવર્ણસ્થિતાં
કૃષ્ટોત્કૃષ્ટસુકૃષ્ટકર્મદહનાં કામેશ્વરીં કામિનીમ્ ।
કામાક્ષીં કરુણારસાર્દ્રહૃદયાં કલ્પાન્તરસ્થાયિનીં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૮॥

ગાયત્રીં ગરુડધ્વજાં ગગનગાં ગાન્ધર્વગાનપ્રિયાં
ગમ્ભીરાં ગજગામિનીં ગિરિસુતાં ગન્ધાક્ષતાલંકૃતામ્ ।
ગઙ્ગાગૌત્મગર્ગસંનુતપદાં ગાં ગૌતમીં ગોમતીં
શ્રીશૈલસ્થલવાસિનીં ભગવતીં શ્રીમાતરં ભાવયે ॥ ૯॥

ઇતિ શ્રીમત્પરમહંસપરિવ્રાજકાચાર્યસ્ય
શ્રીગોવિન્દભગવત્પૂજ્યપાદશિષ્યસ્ય
શ્રીમચ્છંકરભગવતઃ કૃતૌ
ભ્રમરામ્બાષ્ટકં સમ્પૂર્ણમ્ ॥

Also Read:

Sri Bhramaramba Ashtakam Lyrics in Hindi | English | Bengali | Kannada | Malayalam | Telugu | Tamil | Gujarati | Punjabi | Oriya

Sri Bhramaramba Ashtakam Lyrics in Gujarati

Leave a Reply

Your email address will not be published. Required fields are marked *

Scroll to top